Fíxose esperar pero xa temos a folla de ruta dunha nova edición da Segunda Galicia, versión lucense. A fin de semana do 16-17 de setembro, o balón rodará por toda a provincia. E así o seguirá a facer cada semana ata o 11 de maio. Coas excepcións dos xa tradicionais paróns de Nadal, Entroido e Semana Santa. Isto quere dicir que temos data na Ponte da Constitución.

A xornada inaugural déixanos duelos interesantes no Norte como o Iberia-Muimenta e o San Ciprián-Pastoricense. No Sur salientan o Becerreá-San Lázaro e o Antas-Friol.

Para o peche da competición, quedan bonitas batallas coma as do San Ciprián-Folgueiro e o Cospeito-Pastoricense. Veremos como haxa algo máis que tres puntos en xogo! Os Ferreira-Oural, Antas-Paradela e Quiroga-Brollón tamén nos chaman a atención!