Castro B & Catro Roldas e Lemos B & Monterroso B, a loita polo liderado na 3ª

O filial do Monterroso chega no mellor momento da temporada á recta final da 1ª fase

Quedan dúas xornadas para que remate a 1ª fase na Terceira Rexional. As posicións de cara o segundo tramo de competición aínda non están decididas. Dáse a casualidade de que esta finde xogan entre si os dous primeiros clasificados de cadanseu grupo. Para poñernos en contexto, analizamos o que aconteceu na xornada nunha nova entrega do #TresEnRaia.

Luca´s Grill
Moreno´s Pizza

Na zona norte, continúa a igualdade entre o Castro B e o Catro Roldas. Ambos teñen 28 puntos. O Castro B superou pola mínima ao Rioaveso no que foi o duelo da xornada. Pola súa banda, o Catro Roldas venceu tamén cun resultado axustado ao Cazás. Chuchi, ex xogador do Cazás, foi o encargado de desequilibrar a balanza en favor dos amarelos cun gol de falta directa.

O Castro B e o Catro Roldas enfróntanse este sábado ás 16:30h en Castro. No partido da primeira volta vencera o cadro de Román (2-1). Os dous teñen catro puntos de vantaxe sobre a Comercial (3ª) e oito sobre o Rioaveso (4º, cun partido menos). Pase o que pase, calquera dos dous equipos dependerá de si mesmo polo menos para ser segundo. Posición que permite pasar a 2ª fase con tres puntos de inicio.

Deportes Élide

A Comercial volveu ao camiño da vitoria ao superar ao Celeiro. Julio e Brandán reencontráronse co gol logo de varias semanas sen marcar. Logo de adiantarse no primeiro tempo o conxunto capitalino, o Celeiro tivo as súas opcións de empatar no segundo tempo. Posteriormente a expulsión de Javi e o segundo visitante imposibilataron que os locais puideran sumar algún punto.

Con este resultado, e a vitoria do Friol B diante do Nuevo Nausti, a competición por abaixo queda xa bastante definida. Cazás (5º) e Friol B (6º) van pasar cun punto o segundo tramo de competición. Están empatados a 13 puntos, así que dependendo da súa posición final irán para un ou outro grupo. As últimas posición van estar ocupadas polo Celeiro e o Friol B que pasarán a 2ª fase con cero puntos.

Na zona sur, o Lemos B ten unha clara vantaxe na cabeza. Non obstante, o seu duelo deste sábado ás 18h en Monforte fronte ao Monterroso B pode deixar aberta a primeira praza ata a última xornada.

O Lemos B lidera a táboa con 31 puntos. Sumou a décima vitoria do curso ante o Sober, outro rival que pelexa polas primeiras posicións. A seis puntos de distancia aparece o Monterroso B. O filial monterrosino uniu o seu quinto triunfo seguido do ano para confirmar que está no seu mellor momento do curso. Venceu ao Relámpago Taboada. Na 1ª volta, o Lemos B gañara a partida por un axustado 2-3.

A terceira posición é ocupada polo Rubián (22 puntos) que non logrou manter nas últimas xornadas a regularidade amosada na primeira volta. Perdeu ante un Carballedo (6º con 17 puntos) que aínda ten opcións de pelexar por ser 3º ou 4º e pasar a segunda fase con dous puntos.

Na cuarta posición volve rexurdir o Castroverde. Venceu claramente ao filial do Taboada. Borja e Pablito marcaron cadanseu dobrete. De rebote, aínda pode aspirar a ser segundo.

Tanto Taboada como Relámpago pasarán a 2ª fase con cero puntos. O resto de posicións neste grupo aínda están moi igualadas e pode pasar calquera cousa.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 541

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.