Aurelio (U.D. Folgueiro): «O noso obxetivo non é o ascenso, aínda que non somos inferiores a ningún equipo»

Toda unha vida defendendo as cores do Viveiro C.F. Capitán e unha das referencias do equipo e do vestiario, co brazalete de capitán nas últimas campañas, Aurelio tomou a decisión de deixalo clube, desputando o seu último partido en Cantarrana o pasado 21 de maio, día no que recibiu unha merecida homenaxe.

Aurelio recibindo unha camiseta do Viveiro firmada por tódolos seus compañeiros. Foto: LVG

A amizado co adestrador da U.D. Folgueiro, e a súa paixón polo fútbol, fixeron que cando menos, Aurelio se vista de curto unha temporada máis no equipo do Vicedo en Segunda Autonómica. A día de hoxe é xa unha referencia no equipo, aportando o seu xogo e a súa experiencia, e destancando nunha faceta que ata o de agora non era moi habitual: a de goleador, ollando de preto ao pichichi da categoría.

Falamos con él, para que nos conte como se sinte no seu novo clube,

FUTBOLINLUGO: Moi boas Aurelio. A UD Folgueiro está a facer unha gran campaña. Agardabades estar tan arriba na clasificación a estas alturas de campionato?

AURELIO: A temporada que estamos a facer é moi boa, e si tivésemos un comezo de liga un pouco mellor estariamos en postos de ascenso. A verdade é que sabiamos que tiñamos bo equipo, con varios xogadores que poderían estar noutra categoría, pero somos conscientes de que a presión por ascender téñena outros equipos. O que temos que facer é disfrutar e intentar estar ahí arriba durante toda a liga.

FIL: Cal cres que é a clave da boa temporada?

AUR: A clave é o grupo tan bo que temos. Estamos todos super comprometidos. Persoalmente é un dos mellores vestiarios nos que estiven. De todo isto é, sen dúbida, protagonista o noso adestrador que nos esixe o máximo en cada adestramento e xestiona o grupo dunha forma inmellorable.

FIL: Guitiriz, Pol, Burela, Lourenzá e Cabreiros. Moitos candidatos a logralo ascenso a Primeira Autonómica. Ves ao Folgueiro loitando con eles?

AUR: Como decía antes, o noso obxectivo non é o ascenso. A pesar de que non somos inferiores a ningún deles, os equipos que mencionas son os que teñen a presión. Nós temos que seguir disfrutando cada partido e ver do que somos capaces. Ogallá poidamos seguilo ritmo deles e manternos na loita ata o final de temporada.

FIL: Persoalmente, como te atopas xogando en Segunda Autonómica logo de tantos anos en Preferente co Viveiro?

AUR: A verdade é que estou moi contento. É unha categoría moi bonita e igualadada, na que hai que esforzarse moitísimo para facelo ben.

FIL: Sorprendido na túa nova faceta como goleador? Moi preto dos pichichis da categoría.

AUR: Somos un equipo que xeneramos moitas ocasións e facemos bastantes goles, polo que é máis fácil marcar. Os goles están moi repartidos, con xogadores como Kiños, Zeus, Iago…que tamén están destacando no aspecto goleador.

FIL: Parecía que o verán pasado ao deixalo Viveiro non ías seguir xogando. Que che fixo cambiar de idea e continuar cando menos este ano no Folgueiro?

AUR: O fútbol é algo que me gusta moito e sería difícil deixalo de golpe. Teño que recoñecer que o que máis me influiu para tomar a decisión de seguir foi Anxo, o adestrador.

Aurelio no momento de marcar o seu último gol co Viveiro, ante o Soneira. Foto: LVG

FIL: O Viveiro no mesmo ano quedou sen ti, Erni, Rego…os seus referentes, tanto fubolística como socialmente. Como ves o teu ex equipo nesta complicada campaña?

AUR: A miña baixa xa a tiña clara desde metade de temporada. Erni e Rego foron temas diferentes. Persoalmente, eu prefería telos aos dous no Viveiro. Deportivamente, Rego é un dos mellores centrales da categoría, e Erni un goleador indiscutible, e ademáis son dous líderes que sempre tiraron do vestirario en momentos difíciles. Unha pena non contar con eles. O Viveiro está nunha temporada de transición na que debe ter paciencia. Hai xogadores como Arturo e Álex Paz que marcan e van marcar as diferencias e nos xuvenís veñen futbolistas de moitísima calidade. Agardo que non teñan ningún problema para salvarse.

FIL: É unha espiña non logralo ascenso a Terceira? Que faltou pra conseguilo?

AUR: A verdade é que traballamos moitos anos pra acadalo ascenso a Terceira e non conseguilo é unha espiña que sempre terei. Espero que non tarden moito en logralo.

FIL: Moitas grazas pola túa atención Aurelio

AUR: Grazas a vós.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 511

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.