Asier (C.D. Foz): «Somos un grupo moi unido, a permanencia é posible»

O C.D. Foz atravesa unha mala xeira de resultados que o levou a ocupar o último posto da Preferente. Nunha temporada na que o clube mariñán tiña a firme intención de consolidarse nunha categoría á que lle costou moito retornar, as cousas non lles están a saír como estaba previsto. Falamos con Asier, un dos xogadores con máis calidade da Preferente, que é optimista malia a complexa situación do equipo.

FUTBOLINLUGO: Comezamos polo último encontro. Lograstes adiantarvos no marcador, pero rematastes caendo ante o Sofán. Onde cres que tivo a clave da derrota?

ASIER: Aínda que non fixemos un mal partido, creo que a derrota chegou pola falta de concentración. Nestes momentos, tal e como estamos, calquer erro cóstanos un gol e non nos podemos permitir iso.

FIL: Son xa moitos encontros sen gañar. Como vive o vestiario esta situación tan complexa?

A: Estamos preocupados porque cada vez está máis lonxe o obxectivo, pero seguimos con gañas de sacar isto adiante. Somos un grupo moi unido e a maioría levamos moitos anos xogando xuntos, e a pesar de levar moito tempo sen gañar cremos en nós e sabemos que é posible.

FIL:  A priori, o Foz conta cun cadro de xogadores máis amplo e con máis calidade que a anterior temporada. Por que cres que chegastes a esta situación?

A: No fútbol inflúen moitas couasas aparte do plantel, xa que, as lesións, as sancións e a sorte, aínda que pareza que non, xogan un papel importante. Este ano tivemos catro lesionados de gravidade, que eran xogadores moi importantes para nós (Bruzos, Jacob, Cayón e Gonzalo), ademáis de varias sancións en días claves e a sorte moitas veces non estivo do noso lado. É duro pero hai que afrontalo. Está claro que o que pasou xa non se lle pode facer nada, agora toca mirar cara adiante e intentar gañar os máximos partidos posibles de aquí ao final de temporada.

FIL: Marchou Jesús Gayol e chegou ao banquiño Javi Chinchón, un emblema do clube. Que vos pode aportar?

A: Javi trae moitas gañas e forza que creo que é moi importante. Coñecémolo todos moi ben e sabemos o que quere. Temos que seguir traballando e non darnos por vencidos. Aproveito para darlle as gracias en público a Gayol, xa que el foi o que me ensinou case todo. Estou moi orgulloso de formar parte do seu equipo durante cinco temporadas e deséxolle o mellor no futuro.

FIL: Por onde pasan as opcións de permanencia?

A: A clave é gañar un par de partidos seguidos, se o logramos iremos cara arriba. É complicado, pero claro que é posible.

FIL: Logo dun verán con ofertas de clubes de categorías superiores decidiche quedarte no equipo do teu pobo. Arrepínteste da decisión a día de hoxe?

A: Arrepentirse ao mellor non é a palabra porque é o meu pobo e son os meus amigos, pero xa sabía que quedarme en Foz ía ser duro. Asumín os riscos e saiu así. Non se lle pode dar voltas na cabeza a algo que xa pasou, así que repito: toca seguir traballando aquí, en Foz.

FIL: Falaba fai un tempo teu pai, Burunda, do apego que moitos dos integrantes do actual Foz teñen polo clube e polo pobo, así como da afección por vós. Temes que esta mala xeira ou un posible descenso poda rachar esa boa sintonía?

A: Eu creo que non, xa que a xente ten que acordarse que fai cinco anos estabamos en Segunda Autonómica e que en nada o equipo plantouse en Preferente. Así que creo que no que caso de que descendamos a afección seguirá animándonos e moitos do equipo quererán axudar ao clube e quedaranse un ano máis, sexa en Primeira ou en Preferente.

FIL: O Foz sempre coidou moito da súa canteira. Como ves as vindeiras xeracións?

A: Pois é algo que me preocupa moito. Nós este ano tiramos moito de xuvenís e a día de hoxe o pensamento deles é moi diferente ao de antes, e iso que non fai tanto tempo que pasei esa época (risas). O Foz está traballando pouco a pouco, e aínda creo que se pode facer mellor e adicarlle máis tempo, xa que é o futuro do clube e hai que coidalo.

FIL: O vindeiro mes de xuño, o II All Star Futbolinlugo celebrarase en Chantada. Vese Asier por segundo ano consecutivo no partido das estrelas?

A: Ogallá!. O ano pasado paseino incriblemente ben e agardo poder reptir un ano máis.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.