Así está a carreira polo All Star Futbolinlugo na Terceira Rexional

A primeira volta na Terceira Rexional foi un pouco remexida, sobre todo, no grupo sur xa que cada xornada dous equipos vense na obriga de descansar. Aínda así, antes de comezar a segunda pódese facer un balance porque os equipos teñen o mesmo número de partidos xogados. No norte, o Muimenta domina a clasificación acompañado nos postos de ascenso directo por un Alfoz que foi de menos a máis. Se non hai un cambio brusco, todo indica que o Matela, a Milagrosa, o Catro Roldas, o Fonsagrada ou Celta Barreiros serán os outros candidatos a pelexar polo ascenso. No grupo sur, o liderado está máis apretado co Quiroga e o Paradela igualados a 19 puntos. Por detrás, Castroverde, Antas, Río Sil e Sober ocupan prazas de promoción de ascenso. Non obstante, a diferenza cos perseguidores non é tan grande; Relámpago Taboada, Lemos B, Rubián e Taboada B comezan o ano con opcións. Se a táboa clasificatoria está igualada; tamén o están os puntos por participar no I All Star Futbolinlugo:

Xogadores con máis aparicións nos Sobranceiros Futbolinlugo:

POR:

Alberto Rois (Castroverde): 2 aparicións

Cancio (Muimenta): 2 aparicións

Ivi (Lemos B): 2 aparicións

XOG. de campo:

Álvaro (Celta Barreiros): 3 aparicións

Gachán (Quiroga): 2 aparicións

Dani Gemelo (Quiroga): 2 aparicións

Dani Díaz (Celeiro): 2 aparicións

Imagen por defecto
Iván Calaza
Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.
Artículos: 466

Deja un comentario