As tres finais da Copa 2019

Resumo do colofón copeiro acompañado dunha galería de imaxes de Mariluz Fagín na final da Medela

*Roupar-San Lázaro: Encontro parello dende o inicio. Ningún dos equipos tivo o control do xogo. De feito, ambos conxuntos evidenciaron problemas para crear perigo en ataque. Faltaban ideas. As ocasións chegaron nos últimos dez minutos. Adiantouse o San Lázaro nun balón parado. Peinou Rami e Álex perforou a meta contraria para facer o primeiro da tarde. No tempo de desconto, Edi fixo as delicias do respectable. O talentoso xogador do Roupar incorporouse ao ataque e con lategazo tremendo, enviou o encontro aos penaltis. Na quenda da última rolda, Pipita mostrouse unha vez máis decisivo na meta capitalina. Levando o título para A Ponte. O fenómeno Diego Rey culminou con esta traca final.

*Peluquería Mixta Friol/CD Lugo A-Peluquería Mixta Friol/CD Lugo B: Mesmo escudo na Reigosa. Pero mandou a cor albivermella do A fronte ao rosa do B. O agardo. O Friol non deu opción ao seu filial. Nos oito primeiros minutos xa gañaba 3-0 cun gol de Noe Pires e dous de Jone Bilbao. Posteriormente Jone completou o seu hat trick e a capitá Lucía Pardo tamén se quixo sumar á festa goleadora. Aínda así o Friol B tivo os seus minutos. Xerou perigo superada a metade da primeira parte. Nerea probouno en varias ocasións con lanzamentos dende fóra da área. Finalmente foi Peke quen aproveitou un balón dentro da área para facer o gol da honra. Con menos ritmo xa na segunda metade, o Friol A marcou dous goles máis. Fanny Varela tivo tempo de xogar minutos tras un tempo de lesión. Covi trocou porteira e Xani realizou algunha que outra boa intervención. Final feliz nunha temporada para enmarcar a nivel club. O Friol formará parte da transformación do fútbol feminino a nivel estatal e o filial logo do primeiro ano de vida xa competirá o ano que vén na Primeira Galega. Apertas de fin de tempada porque se aveciñan cambios na Reigosa.

*Lemos-Taboada: Finalísima polo alto dunha renovada Medela. Cheiraba ao máis puro verde nun campazo digno dunha final de Copa. E unha bancada ateigada con maior presencia lemista, xente tamén da Mariña e persoas do fútbol provincial. E o partido non defraudou. Emoción ata o final. Intensidade propia dunha final. Os primeiros minutos estiveron igualados. Pero pouco a pouco o cadro adestrado por Edu Rodríguez foi gañando terreo e dominando. Xerou ocasións. Conducido por un gran Adrián Díaz. Ata que Castañer pescou o balón dentro da área para definir con tranquilidade ante Javi Prieto. O conxunto de Monforte puido ampliar vantaxe antes do tempo de lecer. Non o fixo e o Ribadeo empatou ao inicio do segundo tempo. Reviravolta de Criss e gol do dianteiro. Entráronlle as dúbidas ao Lemos. E o Ribadeo tirou de máis veteranía. Unha falta colocada dende o lado dereito rematouna de cabeza Poratti para o 1-2. Iso si, a resposta non tardou en chegar. Borja Castro marcou un auténtico golazo. Disparo dende a frontal á escadra dereita da portería rival. Na súa despedida da arbitraxe Alex Vázquez tivo que usar os cartóns vermellos. A intensidade e a tensión do partido viuse reflectida. O colexiado decidiu expulsar a Ivo do Lemos e Poratti. O bo foi que os dous retiráronse do campo dándose a man. De Borja tamén foi a última ocasión do partido. Desta volta o seu tiro marchou rozando o pau dereito da portería xa defendida naquel momento por Hugo. O gardamallas foi chave nunha quenda de penaltis de máxima efectividade. O porteiro parou o cuarto lanzamento do Lemos nas botas de Antas. Javicho acertou no quinto para que a Copa fose para Ribadeo. Tres quendas de penaltis seguidas para acabar levantando a Copa.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 874

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.