Volveu o fútbol de competición dos nosos á provincia e regresa a sección, As Nosas Redes Falan . Busca sempre saber que se argalla nas redes sociais con referencia a Lugo. Aínda estamos en agosto e podemos traer propostas de verán combinadas con información do inicio de temporada.

O fútbol sempre como elemento de unión

Un evento dos que constrúen país. Esta fin de semana (venres e sábado) é a sexta edición do Festival Agrocuir da Ulloa. Unha festa pola diversidade sexual afectiva no rural. Non se sabe por onde anda o corno agrocuir, pero si coñecemos as distintas actividades que colocarán a Monterroso no epicentro. Unha delas ademais é novidade. Desenvolverase un partido de fútbol feminino no campo de Cerdeiriños o venres ás 18h. Haberá un equipo local que representará ao pobo e xogará fronte a mulleres que veñen doutros lugares ao festival. Cada parte durará vinte minutos e logo tiraranse uns penaltis.

O equipo local xa anda pulindo detalles e preparándose para este venres. Prometen unha equipación ben especial

O Val ten futuro

Un grupo de pais de Alfoz e de Valadouro xuntáronse para crear a Asociación Deportiva Río Ouro. Coa finalidade de que @s máis pequen@s da zona teñan a oportunidade de xogar ao fútbol preto da casa. Contan coa axuda do Concello de Alfoz e do Valadouro e teñen directiva propia. Dende o CD Alfoz colaboran na cesión das instalacións.

De pais a fillos

Á marxe dos equipos da Terceira e da Preferente, o resto do fútbol lucense continúa de pretemporada. Este período estival permítenos ver imaxes curiosas. A pasada fin de semana o Sober xogou un partido amigable no campo do Oural. Ante a falta de efectivos, o adestrador Pasín vestiuse de curto. E tamén botou unha man o seu fillo. Ambos compartiron camisola e campo. Non obstante, quedará en anécdota polo momento. O rapaz aínda está en idade xuvenil e continúa formándose no Calasancio.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.