Arquivo histórico do fútbol provincial

Esta fin de semana circulou polas redes sociais unha reportaxe sobre o fútbol chairego realizada no ano 1996 polo programa de Canal +, “El Día Después” (programa que se mantén a día de hoxe pero na canle Vamos de Movistar). O documento recolle un partido da coñecida como Liga da Terra Chá (cando aínda a maior parte dos equipos non estaban federados) entre o San Julián (da parroquia de Mos en Castro de Rei) e o Samarugo (da parroquia vilalbesa co mesmo nome). A paixón que había naquel momento polo fútbol interparroquial, a ausencia de vestiarios, pero a presenza de carballeiras son algúns dos detalles que garda este arquivo que forma parte da historia do fútbol da provincia.

A reportaxe foi elaborada polo coñecido Raúl Ruiz que aínda continúa realizando reportaxes deste estilo en Vamos. Raúl foi futbolista e xogou entre outros, no CD Lugo na temporada 1993-1994. O reporteiro recordou tamén esta reportaxe sobre a Liga da Terra Chá no seu twitter.

“Bolos non me quedan, váleche unha rosca?”

O xogador do Viveiro, Xaime fíxolle un guiño ao seu traballo e marcou un gran gol que significou unha das chaves da vitoria do cadro celeste no derbi ante o Foz. Algúns din que poida que falte un home na barreira, pero a rosca ao “estilo Roberto Carlos” xa é viral entre os afeccionados ao fútbol na provincia. O futbolista de Outeiro é o máximo goleador do equipo logo de marcar o décimo segundo gol da temporada. A vitoria permítelle ao Viveiro seguir nos postos de ascenso da Preferente.

As inclemencias do tempo

É habitual que nestas datas o mal tempo modifique os plans para algúns. O fútbol, ao ser practica ao aire libre, vese afectado en moitos casos. Esta xornada suspendeuse na provincia o Castroverde – Quiroga. Non obstante, tamén fóra dos límites da provincia afectou o tempo. O PM Friol CD Lugo non xogou o seu encontro ante o Gijón Fútbol Feminino pola nevarada que caeu sobre o terreo de xogo asturiano. O resto dos rivais directos do equipo friolés si xogaron e venceron polo que o Friol saíu momentaneamente dos postos de ascenso á Primeira B.

Non obstante, aínda que a neve fixo acto de presenza nalgún sitio foron quen de apartala para poder xogar. Algúns dos futbolistas do Meira aplícaronse para xogar a 18ª xornada da Segunda Rexional ante o Xermade. O cadro meirego protagonizou unha das sorpresas da xornada ao derrotar 3-1 a un dos candidatos ao ascenso.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.