As nosas guerreiras da fin de semana!

Un xoves máis, Futbolinlugo chega co seu artigo sobre toda a actualidade do fútbol feminino lucense. Antes de comezar co repaso semanal, queriamos informar aos nosos lectores de que a partires da semana que vén haberá un cambio no modelo desta sección, ademáis dun renome moi especial!

Dito esto, pasamos á análise. O PM Friol-CD Lugo venceu por 1-9 ao Atlético Arousana. Tras unha xeira de malos resultados, as nosas souberon impor o seu modelo de xogo desde o primeiro minuto, para despois non pasar apuros ao longo do choque. Destacou por enriba de todo a actuación de Natalia, que anotou nada menos que cinco goles!

Xa na Primeira Galicia, os nosos clubes seguen sen atopar a chave para conseguir sumar de tres en tres. A SCD Milagrosa perdeu por 9-1 en Sanxenxo ante o Viajes Interrías, de novo véndose superadas pola enorme calidade das súas rivais. A SD Antas, pola súa banda, perdeu 0-3 ante o UD Mos, nun duelo que se viu marcado por un tempraneiro gol visitante, e por dous goles case seguidos á volta do descanso que deixaron ás do Castro Seoane sen capacidade de reacción.

Porén, pese aos malos resultados, ambos equipos están preto dos postos de salvación (de feito, a SD Antas non descendería de rematar a liga así), polo que nós confiamos máis que nunca nas nosas loitadoras!

Na Segunda Galicia, nunha xornada na que o PM Friol-CD Lugo «B» descansou, a SD Chantada levouse o derbi comarcal ante o Carballedo CF, superando por 3-0 ás visitantes, condicionadas tamén por un gol no minuto 2 e outro no 12, que deixaron o encontro visto para sentenza. A SG Comercial sacou un valioso punto do campo do Xuventude de Crendes (0-0).

Para rematar, no que atinxe ao Fútbol-8, a SD Burela manténse na zona alta da táboa (concretamente, na segunda posición) tras superar por 0-2 ao Atlético San Pedro. Destacaron na actuación mariñana Carlota Baltar e Lucía Sánchez!

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.