As nosas guerreiras da fin de semana

Por segunda semana consecutiva tras moitos meses de parón, volve a nosa sección adicada ao fútbol feminino. Tamén por segunda vez, esta entrada da nosa web estará exclusivamente centrada no PM Friol, único clube provincial que compite en categoría nacional e, ergo, pode disputar os seus choques correspondentes á temporada 2020/2021.

Por desgraza, semella que o resto dos clubes lucenses anda tardarán meses en comezar as súas competicións, dada a complicada situación epidemiolóxica que atravesa o país. Pero, volvendo as boas novas, polo menos podemos gozar de fútbol na Reigosa cada 15 días!

Este domingo, porén, o clube friolense desprazouse a Asturias para enfrontarse ao Real Oviedo, clube moi reforzado no pasado mercado de fichaxes. O PM Friol comezou o choque dominando o xogo, pero un gol en propia meta aos dez minutos de xogo puxo ás locais por diante, 1-0. A partires de aí, o conxunto ovetense mellorou e conseguiu o 2-0 no primeiro tempo.

Na segunda metade, as de Friol levaron -de novo- o peso do xogo, xerando boas ocasións e podendo recortar distancias. Porén, o balón non quería entrar. Ou polo menos, na portería «carbayona», dado que as asturianas lograron o definitivo 3-0 nunha acción illada. 

A próxima semana, a Reigosa albergará o choque entre PM Friol e Atlético de Madrid «B«, correspondente á terceira xornada deste novo #Reto Iberdrola para as lucenses.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.