A Axenda: o Racing xoga dous partidos na Magdalena

Esta finde a hora permitida para recollerse aumenta. Así que pode ser unha razón de peso para desprazarse pola provincia e ver fútbol. Sempre cumprindo coa normativa vixente e coas peticións que fagan dende os distintos campos. Actualmente, está autorizada a mobilidade por todos os concellos da provincia de Lugo.

As coincidencias fan que tanto o PM Friol na Reto Iberdrola como os tres equipos lucenses da Terceira xoguen na casa. #OPartidoFisioterapiaRonda situámolo esta semana no duelo directo que ten o Viveiro en Cantarrana. A previa completa aquí. O encontro da Primeira Galega do CD Lugo na Cheda e o da Segunda Galega no Rodríguez Lago da Comercial serán a porta pechada. Pero hai máis fútbol na provincia:

Reto Iberdrola:

PM Friol – Espanyol B (sábado ás 18h na Reigosa): O Friol precisa a vitoria na pelexa pola salvación. Vén de dous partidos aprazados e de perder ante o Collerense (último clasificado). O positivo é que a salvación segue estando a dous puntos con dous partidos menos. Quédanlle vinte e catro puntos en xogo.

O negativo é que os conxuntos que estaban practicamente descartados ao inicio da 2ª fase, metéronse de cheo na loita pola permanencia. Un exemplo é o filial do Espanyol B. O cadro catalán chega igualado a puntos ca o friolés. Suma dúas vitorias consecutivas.

Terceira Galega:

Racing Villalbés – Estradense (sábado ás 18h na Magdalena): partido de altura na pelexa por meterse no play off de acceso á Segunda RFEF. O Racing lidera o grupo con corenta puntos e un partido menos. Buscará recuperar a mellor versión logo da derrota ante o Choco.

Non poderá contar con Vérez que cumple ciclo de amonestación. Tampouco se poderá sentar no banco Simón Lamas. O adestrador foi sancionado cun partido logo de ser expulsado en Santa Mariña. En cambio, recupera a Buyo. O lateral esquerdo levaba varias xornadas sen poder entrar na convocatoria por mor dunha lesión.

A tres puntos sitúase o cadro da Estrada. Suma dous triunfos nesta 2ª fase. Pablo Porrúa será baixa por sanción. Xunto co Choco, teñen a intención de tentar desestabilizar a posición do Racing. Á espera tamén de como responde o Rápido de Bouzas nos dous encontros suspendidos, pode haber catro equipos pelexando por dúas prazas.

Cando remate o xogo no campo, o Racing inicia outro partido. Posteriormente ao encontro, o club ten programado unha nova Asemblea Xeral Extraordinaria dirixida aos socios da entidade. Na reunión a xunta directiva informará do resultado das consultas establecidas coas institucións ante a non continuidade dos dirixentes actuais.

Polvorín – Alondras (domingo ás 18h no Anxo Carro): O filial do CD Lugo tentará aproveitar as súas opcións de poder entrar entre os dous primeiros. Ao perder no Carballiño, quedou a seis puntos do Bergantiños. Dáse a circunstancia que os dous equipos da cabeza (Arenteiro e Bergan) xogan entre eles este domingo. Antón Escobar e Marcos González son baixa no Polvorín. Cumpren ciclo de amonestacións.

Unha vitoria do Polvorín achegaría si ou si aos pupilos de Álex Ortiz ás posicións de privilexio. O Alondras chega a Cheda case sen opcións de acceder directamente á Segunda RFEF. Buscará a mellor posición posible dentro do grupo. Vén en forma porque foi quen de derrotar na anterior xornada ao Somozas.

Ao encontro poderán asistir socios do CD Lugo.

Preferente:

Santaballés – Foz (domingo ás 17:30h na Liga): xogan os dous últimos clasificados do Subgrupo C da Preferente Norte. O Santaballés vén de dala talla ante a Sarriana e dunha vitoria de prestixio no Pepe Barrera.

Pola contra, o Foz chega logo de caer no derbi mariñán. O colectivo focense só foi quen de empatar na segunda xornada ante a Residencia. Javi Chinchón non se poderá sentar no banco da Liga. Foi sancionado cun partido. Tamén o seu axudante Israel Cruz.

Ribadeo – Residencia (domingo ás 17:30h no Pepe Barrera): os dous chegan despois de cadanseu triunfo importante. O Ribadeo vén de gañarlle ao Foz e busca a primeira vitoria na casa. A Residencia xa demostrou do que é capaz ao derrotar ao Lemos. Unha vitoria do cadro capitalino, podería colocalos na zona de privilexio.

Lemos – Sarriana (domingo ás 18h na Pinguela): O duelo estelar nestes momentos do subgrupo. Á certa rivalidade por mor da proximidade, engádeselle que os dous conxuntos tamén están moi preto na clasificación. A Sarriana lidera, pero só cun punto de marxe ante o Lemos.

Precisamente o Lemos perdeu o liderado ao caer na Cheda. As consecuencias foron maiores. Pablo Losada e Manu Rodríguez son baixa por sanción. Pola súa banda, a Sarriana quere dar un golpe na mesa. Gaña, pero só nun partido fíxoo por máis dun gol.

Ao encontro poderán asistir só socios do Lemos.

Primeira Galega

Antas – Villestro (domingo ás 17h no Castro Seoane): Partido que lembra ao ano do ascenso. Na tempada 2017/2018 o Antas e o Villestro dominaran un dos grupos da Segunda Galega. O cadro da Ulloa ascendeu directamente e o de Santiago na fase de ascenso.

Agora xogan o cuarto partido deste ano diferente. O Antas chega nun bo momento logo de dúas vitorias consecutivas. A primeiro con dobrete de Nuria Louzao. A segunda con dobrete de Rebeca Quiñoy. Pola súa banda, o Villestro é o equipo máis destacado do Subgrupo B. Gañou os tres partidos xogados. O aforo do Castro Seoane está limitado ao 30%. O club pon a disposición un número de whatsapp para a reserva de entrada por orde de solicitude: 697 113 870.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.