O mercado non para na semana do Apóstolo e as fichaxes son tantas coma festas na provincia. É tempo de regresos de gran importancia ao fútbol lucense, novos pasos para moitos xogadores e continuidades de alto valor. Todo nunha nova edición do Diario dun Mercado de Futbolinlugo, que cada día está máis próximo aos cincocentos episodios.

A volta de grandes dos campos de fútbol lucenses

Os retornos son os grandes protagonistas para este inicio de mercado. Os campos de fútbol proviniciais voltarán a desfrutar de Bochi, central que firma polo Abadín despois dun tempo onde non puido disputar ningún encontro. A súa última aventura antes do seu regreso neste mercado foi no Catro Roldas e foi partícipe da segunda edición do All Star Futbolinlugo, que se realizou en Carballedo.

Outra das grandes voltas é a de un ‘Heroe do Carranza’ co lucense Iago Díaz, tras estar dez anos lonxe da súa terra. Quen aposta por el tras 122 partidos en Segunda División e un último períplo no Xerez é a Sarriana de Iván Carril. Ademáis, o club sarriao renova ao porteiro do ascenso, César Pirot, tras un gran final de tempada no equipo.

Tempo de continuidades

O Compostela sigue mantendo a súa aposta no talento provincial e renova ao viveirense Xoel Trasancos, un dos grandes talentos lucenses. Ademáis, Jorge Maceira, ex do Polvorín, será un dos reforzos ofensivos dun equipo destinado a loitar polo ascenso directo na Terceira RFEF. O Foz tamén opta pola renovación dun dos seus canteiráns, Rober.