XL: A verdade é que o último partido, salvo o resultado e a situación da tempada, foi moi emocionante. Nese momento eu estaba nunha nube porque non me esperaba todos os detalles que a directiva do Meira e a plantilla tiñan preparados.

«Os ascensos co Meira e o Riotorto recordareinos sempre»

FIL: Se tiveras que escoller un momento da túa carreira, con cal te quedarías?

XL: O máis reciente o ascenso do Meira foi do mellor, aínda que cando subimos á Preferente co Riotorto tamén o sumaría pesse a que non xogamos na división ao final. Despois quédame a espiña das dúas finais de Copa perdidas.

FIL: E algunha anécdota que lembrarás sempre?

XL: Hai moitas para dicir. Houbo unha época na que demos a chapa despois dun gol meu de chilena en Rubián na que en todas as ceas que facíamos de equipo había que contala con cada vez máis elementos fantásticos. O terceiro tempo dá para moitas cousas que contar.

FIL: Estás pensando en dar o paso a adestrar?

XL: Eso está meditado e de feito xa en Meira teño a experiencia co xuvenil. Estou formándome para entrar no mundo sénior como adestrador e se hai que dar o paso para dirixir ao equipo non tería ningún problema.