O mercado continúa cos movementos nas últimas horas. É o caso da Comercial, que renova á xogadora All Star Yoli. A futbolista, moi importante no seu club, vivirá a sexta temporada no conxunto capitalino. Por outra banda, o Monteforte de Julio Corral renova a outra «All Star», Erea, ademais de Noa e de Lucía.
O mercado mostrouse moi activo nas últimas semanas
Xa no fútbol masculino, a Sarriana anunciou a fichaxe do defensor Youssef Sánchez, que chega desde o Sporting Atlético da División de Honra xuvenil. É a sexta fichaxe do cadro da Ribela logo das chegadas de David Guitián, Martín López, Santi Gegunde, Luis Díaz e Miguel Raimundez.
Ademais, o mediapunta Cañi deixa o Arteixo para asinar polo Racing Villalbés, que continúa a asentar un proxecto moi ilusionante na Terra Chá. Os seus veciños do Santaballés, tamén consolidados, renovan a un Play que cumprirá a súa terceira temporada na Liga.
O Xermade asenta tamén o seu proxecto coa renovación de Vila, mentres que na veciña parroquia de Román, o Catro Roldas incorpora a un lateral que chega desde o Racing Villalbés xuvenil: Antonio Román. Por último, o Matela anunciou a renovación de Novo.
