A 29ª Sesión Plenario deixounos o primeiro cruce de semifinais. Xogaron o segundo adestrador do Racing Villalbés Juan Rodríguez e o excolexiado con raíces en Portomarín David Rodríguez.

Nesta última entrega falamos de actualidade, de adestradores e xogadores. De novas chegadas aos bancos da provincia así como das finais de Copa que se celebraron esta pasada semana. E, por suposto, houbo espazo para a nosa historia na clásica rolda de ‘Verdadeiro ou Falso’. Así como para analizar o fenómeno All Star Futbolinlugo!

o sábado, a gran final en directo

Á espera de que vexades o resultado entre Juan e David, recordámosvos que a gran final se celebrará en directo este próximo sábado. Será ás 18.00 horas no campo Viñas da Veiga de Mondoñedo, nunha das últimas actividades do III All Star Futbolinlugo. O rival de Juan ou David será o gañador da eliminatoria entre Lourido e Esteban Carracedo.

Chegados a este punto, queremos recordar que os emparellamentos das semifinais tamén foron formados por sorteo. A diferenza da primeira rolda, pero ao igual ca nos oitavos e cuartos de final, a quenda de xogo vén dada polo propio sorteo. Comezan a responder de primeiros os concursantes cuxa papeleta saíu de primeira.