O balón está rodando por case que todos os campos da provincia en cadansúa competición no fútbol afeccionado e dende Futbolinlugo seguimos buscando o noso espazo para entreter e informar do que nos compete. A partir do vindeiro luns iniciamos unha colaboración semanal co programa de deportes da Cadena SER Lugo, Ser Deportivos, dirixido e presentado por Sara Meijide.

A través das ondas comentaremos o máis destacado da fin de semana nas categorías afeccionadas do noso fútbol. Poñendo o foco de atención na Terceira División, na Preferente e no fútbol feminino. Ademais, haberá oco para aqueles detalles salientables que se prodruzan en calquera outra categoría do fútbol provincial. A partir de agora, todos os luns durante a emisión do Ser Deportivos (15:20 – 16:00 h) o fútbol provincial tamén estará no aire.

A lucense Sara Meijide presenta dende esta temporada o Ser Deportivos Lugo

A colaboración foi presentada esta tarde durante a propia emisión do programa. Escoita á carta ao noso compañeiro Marcos Fernández no Ser Deportivos deste venres no seguinte enlace (no 35:30): Ser Deportivos Lugo (21/09/2018)

Comparte

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*