Comezamos este novo capítulo do mercado de fichaxes do noso fútbol no sur da provincia. Un dos xogadores máis destacados do Atlético Escairón na temporada que vén de rematar, Borja Castro, deixa o clube do Saviñao para recalar no Club Lemos, que apuntala así cun xogador de garantías a súa parcela defensiva.

Seguindo na zona Sur detémonos en Chantada, onde Rodrigo seguirá un ano máis como adestrador do filial chantadino. Ademáis, seis xogadores que rematan a súa etapa xuvenil dan o salto ao fútbol afeccionado e terán a oportunidade, alternando o Chantada e o Chantada B. Son Povis, Víctor, Ulloa, Listón, Hugo e Foci.

Se no anterior Diario dun Mercado anunciábamos a saída de Fiz do banco do Ribadeo, hoxe toca a de Roberto Rielo do Pol. Logo de acadalo ascenso a Primeira Autonómica, non seguirá no conxunto chairego.

Pola contra, Anxo seguirá no banco do Folgueiro, que incorpora a Fanego, porteiro que procede do San Ciprián e a Iago, un clásico do fútbol mariñán que retorna ao conxunto do Vicedo, tras xogar tamén no Viveiro e no Foz, entre outros.

O Celta Barreiros refórzase con dous defensas. Álvaro, procedente do Foz, e Antón Moreda, tamén focense que descolga as botas pra unirse ao conxunto do Cascabeiro.