Unha primeira vitoria a tempo e oito candidatos para os dous postos da cabeza

O centrocampista Óscar Docal foi un dos destacados no primeiro triunfo da tempada do Celeito

Faltan tres xornadas para que remate a 1ª fase na Terceira Rexional. Agás para o Cazás e o Rioaveso que teñen pendente o encontro que non desputaron a pasada finde. Xogarano a do 20, o que obriga a retrasar os dous últimos partidos da zona norte por norma federativa, como acontece nalgúns grupos da Segunda.

Luca´s Grill
Moreno´s Pizza

Castro B e Lemos B seguen liderando pero con seis equipos máis con opcións. Os detalles, da xornada na que o Celeiro se reencontrou co triunfo, contámolos nunha nova entrega do #TresEnRaia.

Na zona norte, o filial do Castro continúa na cabeza igualado a puntos co Catro Roldas (xogarán entre si na penúltima xornada). O equipo preparado por Isaac Rouco deu un golpe de autoridade ao vencer na casa da Comercial. O porteiro local Joshua fixo varias intervencións de mérito a pesar de encaixar tres goles. O gol de Peri para os da capital non impide que tanto Castro como Catro Roldas estean agora a catro puntos de distancia.

Deportes Élide

O cadro de Román tamén cumpriu no seu duelo co Nuevo Nausti. A pesar da goleada, o conxunto amarelo tivo que pelexar o partido fronte a un rival ao que non lle saíu nada. O outro equipo na pelexa, o Rioaveso, está agora a cinco puntos das dúas primeiras prazas, pero cun partido menos. Os duelos directos que ten co Castro B e co Catro Roldas fan que dependa tamén de si mesmo.

Por outra banda, salienta nesta xornada o primeiro triunfo do Celeiro. Os pupilos preparados por Martín Rodríguez realizaron un gran encontro ante un Friol B que non baixou os brazos. Foi a tarde de Óscar Docal mandando no medio do campo, con pases e un gol incluídos.

Os tres puntos dánlle a oportunidade ao cadro viveirense de pelexar aínda polo 6º posto nesta recta final de 1ª fase. Está a seis puntos e con gol average a favor. Quedar na sexta praza supón pasar a 2ª fase cun punto que che permite competir, de inicio, case de ti a ti cos equipos punteiros da categoría.

Na zona sur, o Lemos B continúa camiño do seu obxectivo tal e como nos contou hai unha semana o seu adestrador, Perry. O filial lemista superou ao Carballedo (6º) que se afasta en seis puntos do 4º posto. O Lemos B podería asegurar na próxima xornada o liderado se é quen de gañarlle ao Sober e pendente doutros resultados.

Non obstante, tanto o Rubián, o Monterroso B e o Sober apuran as súas opcións. O Rubián volveu ao camiño da vitoria ao vencer ao filial do Taboada. Continúa a seis do líder. Os mesmos puntos ten o Monterroso B que venceu pola mínima en duelo directo ao Sober. O cadro soberés está 4º a oito do primeiro posto.

No 5ª praza aséntase agora o Castroverde ao enlazar o segundo triunfo seguido. Derrotou por un gol de diferenza ao Relámpago. Os xogadores preparados por Iago Núñez sitúanse a dous puntos da cuarta posición. E aínda lles queda un partido na última xornada co Sober. Quedar cuarto supón pasar á 2ª fase con dous puntos.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 541

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.