Un filial en racha e moitas victorias!

A pasada fin de semana foi -en xeral- positiva para as nosas rapazas. Porén, o clube máis icónico da provincia, o PM Friol, caeu na Reigosa ante unha SD Éibar que gozou de maior efectividade ao longo dos noventa minutos e superou ao conxunto presidido por Ángel Villar por 0-3.

A outra cara da moeda veu dada polo equipo «B» das friolenses. Tras varias semanas de parón, as de Covi volvían á competición na casa doutro filial, o Valladares «B». Aló, as lucenses realizaron unha auténtica exhibición e conseguiron un cómodo 1-5, que lles serve para manterse na cuarta posición da Primeira Galicia. Nesta mesma categoría, a SD Antas empatou (2-2) co Tomiño, rival directo polo descenso. O partido, pese a ser moi disputado, tivo cor celeste na súa maior parte, e tan só a falta de efectividade privou ás do Castro Seoane da victoria.

Na Segunda Galicia os equipos lucenses deixaron moi boas sensacións: o CD Lugo superou con claridade (9-0) ao Victoria «C», pese aos fortes ventos e a chuvia que se rexistraron na Cheda na tarde do domingo. As xogadoras albivermellas mostraron boa profesionalidade e adaptáronse ben ás condicións. A SG Comercial superou por 11-0 a un Olímpico condicionado pola falta de xogadoras, xa que xogou con 10 todo o choque. Pese a iso, as de Vivian Dors mostraron un gran xogo. O Carballedo CF, que chegou ao seu encontro ante o Xuventude de Crendes con tan só 12 xogadoras, pero esas 12 dominaron durante os noventa minutos e obtiveron os merecidos tres puntos, 3-2.  Pola contra, a SD Chantada caeu por 2-1 na súa visita ao campo do Sporting Burgo.

No Fútbol-7, a SD Burela non xogou, xa que o seu partido foi adiantado para fai 15 días, mentres que a SCD Milagrosa caeu por 0-2 ante o Deportivo Orzán, líder destacado da categoría.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 537

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.