Trío de ases Terceira (Xornada 15) e Preferente (Xornada 13)

Só dous equipos lucenses foron quen de gañar nesta xornada. O primeiro deles, o Atlético Escairón. Os de Anxo Valcárcel desfixéronse do Ribadeo despois dun encontro moi serio. Os mariñáns tiveron unha tarde para olvidar. O outro dos nosos conxuntos que venceu, foi o Castro. Desfíxose pola mínima do Estudiantil cos goles de Buide e Omar.

Peor sorte tiveron o Viveiro e o Outeiro de Rei. Os de Chusky non lograron facer frente ao potente Arzúa e os de Juan Peón realizaron un dos mellores encontros da campaña. Pese a iso, cederon ante a efectividade do Órdenes. Ademais, o Polvorín deixouse dous puntos na súa pelexa pola segunda praza, agora do Arzúa. O cadro de José Durán non pasou do empate ante o Xallas, nun duelo no que Javi Rey errou un penalti con 0-0. O outro cadro capitalino, a Residencia perdeu con claridade ante o As Pontes. Os de Álvaro Meilán presentaron moitas novidades. O lateral Rober volveu vestir a branquiazul e os xogadores do filial Aldo e Esteban saíron de titulares. Por último, na Terceira, o Racing Villalbés levou un punto do complicado feudo do Arenteiro. Un só punto separa aos de Óscar Gilsanz dos postos de play off de ascenso.

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 754

Deja un comentario