Os equipos lucenses de Terceira e Preferente xa teñen calendario

A Real Federación Galega de Fútbol deu a coñecer na tarde de hoxe o calendario de Terceira División, así como os dous grupos de Preferente. Ámbalas dúas categorías comezarán o 25 de agosto e rematarán o 17 de maio na Terceira e o 7 de xuño a Preferente.

Na Terceira o fútbol lucense repitirá os mesmos dous representantes que a pasada temporada: Polvorín e Racing Vilalbés. O filial do C.D. Lugo debutará na Lomba ante un Arousa que perdeu a Sylla, o seu máximo goleador que xogará no Coruxo, pero que se reforzou con xogadores de garantías. O cadro de José Durán na segunda xornada recibirá no seu feudo ao recén ascendido Pontellas.

O Racing Vilalbés comeza a liga na Madalena ante outro conxunto que retorna á Terceira e que ten no seu plantel un bo número de xogadores lucenses: o C.D. As Pontes. Ademais, pola cercanía xeográfica case pode ser considerado como un derbi. Na segunda xornada, os de Simón Lamas viaxarán á Coruña para medirse ao Silva, no que será o reencontro de Xusto co seu ex equipo.

Pero o auténtico derbi da Terceira non chegará ata a xornada 17, a derradeira do 2019 e case que xa nas festas de Nadal, o Polvorín recibirá ao Racing Vilalbés. O encontro de volta será o 3 de maio, na antepenúltima xornada de competición.

Xusto enfrontarase ao Racing Vilalbés na segunda xornada

Na Preferente contamos con seis representantes: Viveiro, Sarriana, Ribadeo, Foz, Lemos e Residencia. O calendario xa nos regala un derbi na primeira xornada. Será no Martínez Otero entre o Foz e a Sarriana, conxuntos chamados a pelexar por obxectivos diferentes nesta temporada. O Viveiro comezará en Cantarrana ante o Boimorto, un dos conxuntos máis incómodos da categoría,  mentras que o Ribadeo viaxará ao campo do recén ascendido Sigüeiro, conxunto no que milita o mítico Juanito, ex xogador do Deportivo, Betis, Compostela, entre outros moitos. O Lemos debutará no campo do Dubra e a Residencia farao na Cheda ante un Xallas que pelexará cos de Álvaro Meilán por mantela categoría.

O Foz comezará a liga con derbi no Martínez Otero ante a Sarriana

A Sarriana encadeará outro derbi na segunda xornada, cando recibirá na Ribela á Residencia, mentras que na terceira teremos un Viveiro-Lemos, na cuarta un Foz-Residencia e na sexta un máis que interesante Sarriana-Viveiro, dous conxuntos chamados a pelexar polo ascenso. O primeiro derbi mariñán será o 13 de outubro, na oitava xornada e enfrontará a Foz e Viveiro. Ao igual que na Terceira División, xa case nas festas de Nadal, o Ribadeo recibirá ao Viveiro, no que a priori podería ser a reestrea do Pepe Barrera logo das obras de reforma.

Podes consultar o calendario completo da Terceira galega no seguinte enlace: calendario_terceira_19_20

Podes consultar o calendario completo da Preferente no seguinte enlace: calendario_preferente_19_20

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.