Diario dun Mercado. Episodio 124

Moi animada a xornada en canto a movementos na Primeira Galicia

O Foz comezou onte a andar. Co cadro de xogadores prácticamente rematado. O último en chegar foi Miguel Rodríguez, dianteiro que defendía as cores do Valadouro. E para haber entradas ten que haber saídas. Coma a do porteiro Trullo cara o Xove Lago, onde xa estivera con anterioridade. Mesma orixe e mesmo destino que o lateral Luis Varela. Nesa mesma Primeira Galicia, o Castro continúa coa confección dun equipo competitivo. Renovou a Brais cando o seu destino semellaba ser Guntín e ficharon a Fede Roldán, arxentino procedente de Lugosala e con pasado no Páramo. E fixeron un 2×1 tamén. Isaac cambia a base do Racing Villalbés pola vermella e xogará no primeiro equipo de Vitín.

No Saviñao recala Davis, procedente do Sober. Así mesmo o Atlético Escairón incorporou ao lateral Froxán e a Montoto. En Monterroso, Gontá e Billy retornan ao club de Cerdeiriños despois do seu paso polo fútbol sala. E Ojea, capitán do filial, súmase ao primeiro equipo. No capítulo de baixas, Yago Barrio e Frebas marchan a Portomarín ás ordes de Fernandito e Pampín. Martín Blanco xogará no xuvenil de División de Honra do Conxo santiagués. En Friol, dúas retiradas: o meta Buxán e Jesús. O pichichi Dani Roca fai as maletas cara Riotorto. Para suplir as ausencias, Viusky cambia a portería de Portomarín pola da Reigosa. E tamén chegan Víctor do Outeiro, Omar do Santa Comba e Larpy do Friol B.

Na Segunda Galicia, David González ‘Gonza’ reforza a banda do Xermade tras o seu paso pola Residencia. Na Terceira, David Guerra e Hugo Listón convertíronse en novos xogadores do Carballedo. No fútbol feminino, a guitiricense María Calvo ‘Peke’ aparece na listaxe de xogadoras convocadas para iniciar a pretemporada co Dépor Abanca. A atacante dos Vilares xa alternou primeiro e segundo equipo a pasada campaña, marcando 15 goles en 28 partidos. En Burela, contamos tres renovacións máis: Alba Salgueiro, Cristina Pérez e Ari. Seguiremos informando!

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.