O Matela consegue unha vitoria de prestixio e o Carballedo suma a 3ª seguida

No Tres en Raia da 9ª xornada da Terceira Rexional o Fonsagrada e o Sporting Lucense seguen líderes. Iso que o cadro fonsagradino desaproveitou a opción de marcar distancias dende o primeiro posto. O Nausti e o Antas descansaron esta xornada.

No grupo norte, o Fonsagrada empatou a un gol ante o Catro Roldas. Iso si, mantense invicto. E tamén continúa na boa liña o equipo de Román. Cinco xornadas sen perder. Volveu marcar Samuel Orosa. Os últimos catro goles marcados polo cadro amarelo son da súa autoría. Tres derrotas despois, o Friol B reencontrouse coa vitoria. Venceu ao Lugo Unión. Volve á terceira praza. E reduce distancias co segundo posto debido a derrota da SD Viveiro. E que o Matela sacou os tres puntos do Marcos Gómez. Segunda derrota do conxunto viveirense e primeira como local. O Matela escala un posto e sitúase quinto na táboa.

De preto séguelle o Cazás e o Rioaveso que se enfrontaron a pasada fin de semana. O Machinango avivou as súas esperanzas de pelexar por entrar nos postos de promoción. Derrotou pola mínima ao Cazás na Fonte de Cospeito. Campo que non é o habitual de ningún dos dous equipos, pero no que xa xogaron esta tempada os dous como locais. Non quere tampouco perder as súas opcións a Comercial. O cadro capitalino derrotou ao Celeiro. Os dous equipos están agora empatados a 8 puntos. O gardamallas Joel parou un penalti e evitou que o equipo viveirense se achegara no marcador. Aínda así, non foi o mellor día do Celeiro no que se reestreou Dani Díaz. O futbolista de Covas xogou a última media hora.

No grupo sur gañaron os tres primeiros clasificados. O Sporting Lucense mantense na cabeza. Catro vitorias consecutivas. A última fóra da casa ante o Relámpago Taboada. Na segunda posición continúa a Milagrosa. Derrotou no Luis Gorgoso ao filial do Taboada. O xuvenil Neira foi un dos protagonistas. Marcou un dobrete. Sube posicións o Lemos B. Colócase terceiro coa segunda vitoria seguida. Aínda por riba foi ante un rival directo, o Sober.

Peta forte nas últimas xornadas o Carballedo. Custoulle nas primeiras xornadas tomarlle o pulso a competición. Pero agora enlaza nove puntos conseguidos de xeito consecutivo. Derrotou ao Monterroso B. Queda a un punto das posicións de promoción. Por último, o Rubián e o Castroverde empataron a un gol. Un punto que sabe a pouco para os dous equipos.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.