O Celeiro non queda «Teso» e pelexará ata o final polo ascenso

Esta fin de semana remata a competición na Terceira Rexional e só queda un ascenso por decidir. A pasada finde o Castro B, o Lemos B e o Carballedo subiron á Segunda. A atención ponse agora no grupo C2 con tres posibles candidatos para ascender. Os detalles no #TresEnRaia.

Luca´s Grill
Moreno´s Pizza

O grupo C2 é o que queda con maior aliciente competitivo porque na anterior xornada o Celeiro cumpriu con creces ante o Catro Roldas. O cadro preparado por Martín Rodríguez derrotou ao que nese momento era o líder pola mínima. O golazo de Poti desequilibrou a balanza en Trasvías nun partido no que Javi Díaz ‘Teso’ sobresaíu na defensa. Por iso, nos permitimos o xogo de palabras no titular. O bo facer de Teso e dos seus compañeiros fan que o conxunto viveirense teña opcións de ascender. Detallarémolas este sábado nun especial sobre a última xornada da Terceira.

O Celeiro xogará o seu partido ante o Friol B e o Catro Roldas e a Comercial xogarán en Román dependendo cada un de si. Aínda que o líder é o conxunto capitalino que aproveitou a pasada xornada para poñerse de novo na cabeza. Derrotou ao filial do Friol nun encontro no que regresou á titularidade o dianteiro Javi Castro logo de varios meses de lesión.

Deportes Élide

No grupo C1, a praza de ascenso foi ocupada polo Castro B. O filial chairego sabía que dependía de si para subir e así o fixo. Derrotou no seu partido ao Cazás e xa non mirou para o outro resultado. Os pupilos adestrados por Isaac Rouco conseguen chegar a unha nova división xa no primeiro ano de constitución do equipo.

Pola súa banda, o Rioaveso tentou chegar con esperanzas ata a última xornada pero era consciente da dificultade. Superou ao Nausti nun partido axustado no que Eddy anotou un dobrete para os de Paraños.

No grupo C3, foi o Lemos B quen saíu vitorioso no duelo de filiais polo ascenso. Superou ao Monterroso B nun choque polémico en Cerdeiriños. O cadro lemista consegue o ansiado ascenso no seu terceiro intento logo da súa creación.

No outro partido do grupo sen nada en xogo o Castroverde superou con contundencia ao Relámpago Taboada. Pablito con tres goles e Manu cun dobrete e dous pases de gol foron protagonistas claros.

No grupo C4, tampouco fallou o Carballedo no seu primeiro match ball para lograr ascender. Venceu ao Taboada B para desatar a alegría no Catro Ventos. Primeiro ano competindo chegou unha pandemia e no segundo ano logran o ascenso.

O Rubián e o Sober xogaron o seu duelo sabendo que xa non tiñan posibilidades de facerse co liderado. O conxunto soberino venceu pola mínima.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.