O campo do Catro Ventos, na parroquia de Cazás e no concello de Xermade, será xuiz e verdugo esta tarde ás 16.30. O cadro local, o Cazás, mídese a un Castroverde que pode confirmar o seu ascenso á Segunda Futgal. Tan só a victoria chairega impedirá o salto de categoría dun conxunto visitante que chega cunha xeira de resultados espectacular: 13 partidos consecutivos gañando en competición ligueira.

O resultado entre Cazás e Castroverde na primeira volta foi de 3-1 a prol do Castroverde.

O empate ou a victoria no feudo xermadino dará o ascenso a un Castroverde que leva anos detrás del. Este curso, o cadro dirixido por Iago Núñez conseguiu conformar un grupo moi competitivo e o bo traballo semanal de xogadores e corpo técnico deixou ao equipo nunha situación privilexiada. O técnico afirmou que «a idea e de ir a polos 3 puntos, sabemos que con un punto é suficiente, pero non imos sair a polo 0-0. Logramos vencer en campos como os de Goiriz, Rioaveso, Abadin a semana pasada… e queremos poñer o broche de ouro vencendo noutro campo complicado como e o Catro Ventos».

O preparador sinalou que «⁠aos rapaces dígolles que disfruten, pois partidos nos que podes lograr ascender non se xogan todas as fins de semana. E o que lles digo sempre, que sexan valientes e non se escondan por medo a fallar». Con respecto ao potencial salto de categoría, Núñez admitiu «o cambio mais grande producese o ano pasado cando conseguimos meternos na promoción ao non perder nas derradeiras cinco xornadas de liga, e logo quedándonos a un gol de ascender. Somos un equipo máis compacto, que concede menos e incluso xera máis ocasións».

Ademais, Iago non se quixo esquecer «da xente que non o puido lograr o ano pasado (Fran Veiga, Samu, Manu, Dani Gómez) e que este ano non están con nós. E de Manel, Sergio e Feli que se perderán o partido de maña por lesión. Que chegasemos ata aquí tamén foi e é gracias a eles».