O Becerreá perde por primeira vez no curso, pero segue líder

Durante a ponte festiva só houbo xornada no subrgrupo 2A da zona sur

A Segunda Rexional parou na súa maioría nesta ponte festiva. Só o subgrupo 2A da zona sur tivo competición. A presenza de nove equipos fai que as xornadas a xogar sexan maiores ca o resto. Agora quedan dúas en cada subgrupo antes de que remate o ano. A finde do 18 de decembro rematará a primeira volta. Tamén se xogou o partido aprazado pola neve entre o Fonsagrada e o Guitiriz.

Luca´s Grill
Moreno´s Pizza

Na Segunda Galicia, subgrupo 2A da zona sur, a SD Becerreá perdeu por primeira vez no curso. Contaba os cinco encontros xogados por vitorias e no sexto caeu pola mínima ante o Antas. O conxunto da Ulloa fixo un partido moi serio no Municipal de Becerreá e soubo aproveitar as escasas opcións de gol que tiveron. O equipo becerrense ten agora dous puntos de vantaxe sobre os seus perseguidores.

O Páramo e o Paradela seguen de preto ao líder con 13 puntos. Os pupilos preparados por Santi venceron nos Chacotes ao Palas e consolídanse na súa boa liña. Pola súa parte, o Paradela reencontrouse co triunfo ante o Sporting Lucense. Foi decisivo o único tanto do partido anotado por Romi.

A xornada tamén trouxo a primeira vitoria do curso para o Santa Comba. No Tras do Novo os locais superaron pola mínima á Milagrosa. O papel de Jaime dende banda esquerda foi un dos actos centrais dun Santa Comba que logrou os tres puntos nos intres finais. O Palas, a Mila e o Santa Comba ocupan os últimos postos da táboa clasificatoria con catro puntos. Atópanse a cinco do Antas que marca a zona dos que pelexarían na segunda fase polo ascenso. Nesta xornada descansou o Corgo.

A NEVE, PROTAGONISTA NA FONSAGRADA:

Na Segunda, subgrupo 1B da zona norte, o Fonsagrada tentaba poñerse ao día nesta ponte festiva e non o logrou. Xogou na finde o partido aprazado na anterior xornada pola neve. Empatou a un gol ante o Guitiriz. Este mércores festivo tiña xogar o encontro suspendido no seu día ante o Abadín, pero desta volta a neve volveu obrigar a aprazar o choque. Cun partido menos, o cadro fonsagradino está a dous puntos da zona de privilexio.

O LIDERATO EN XOGO EN DOUS CAMPOS:

Esta finde hai un duelo de altura no subgrupo 1A da zona norte. Este sábado ás 16h no campo da Cea enfróntanse os dous líderes: Cabreiros e Celta Barreiros, igualados a 15 puntos. Á mesma hora do sábado hai outro encontro da parte alta no subgrupo 2A da zona sur. No Gandarón o Paradela (3º con 13 puntos) recibe á SD Becerreá (1ª con 15 puntos). O Páramo, que está entre os dous na clasificación, descansa nesta xornada.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.