Remata o ano 2023, que consolidou a «nova normalidade» no noso fútbol logo de varias temporadas difíciles. Un curso no que os integrantes do fútbol lucense vivimos momentos especiais e dignos de lembranza. Lembranzas que non sempre estarán acompañadas por sorrisos, senón tamén por bágoas. Así é o noso deporte: ás veces cru, outras ditoso -como a mesma vida-.

O noso propósito hoxe é repasar algúns dos momentos máis emblemáticos e significativos do ano 2023, en doce meses que comprenderon o final da temporada 2022/2023 e a primeira parte do curso 2023/2024. Doce meses que, máis alá dos resultados de cada conxunto, serviron para manternos xunt@s un ano máis, para manter o fútbol lucense máis vivo que nunca, para defender con orgullo a nosa provincia e os nosos concellos.

FÚTBOL FEMININO

• O CD Lugo Feminino de Joaquín Blanco acadou o ansiado salto á Terceira RFEF nun partido agónico ante o Bergantiños.
• Covi Regueiro foi inhabilitada das súas funcións de adestradora durante un ano pola RFEF.

TERCEIRA RFEF

• O Racing Villalbés rompeu todas as apostas e acadou un ascenso histórico á Segunda RFEF, onde compite a un nivel asombroso.
• O filial do CD Lugo, o Polvorín, prescindiu dos servizos de Roberto Fernández en prol de Roberto Trashorras, que deixara o club poucos meses antes.

Preferente norte

• A Sarriana ascendeu á Terceira RFEF por primeira vez na súa historia, aínda que o seu técnico Brais Prados non continuou á fronte do proxecto.
• A Residencia asinou a mellor temporada da súa historia, cun meritorio 7º posto e 55 puntos na Preferente.

PRIMEIRA GALICIA

• Unha volta de ensoño do Castro deu o ascenso aos de Rafa Casanova, que sucedera a Juán Peón a metade de temporada.
• Un estandarte do fútbol provincial, Iván Recalde, deixou o fútbol tras moitos anos liderando ao seu «Atleti» no campo.

SEGUNDA GALICIA

• A Lomba vive un gran ano da man de Ramón Labrada e o seu (Pri)Meira.
• Romy cae lesionado de gravidade dúas veces en menos de dous meses, pero demostra a súa fortaleza mental.

TERCEIRA GALICIA

• O filial do Racing Villalbés asina un ano soberbio e ascende de categoría. Na nova categoría, mantén o ritmo e está inmerso na loita polo ascenso.
• O partido de promoción entre Rubián e Páramo tivo que repetirse despois de que o Páramo acadase a clasificación nunha tanda de penaltis que non se debeu tirar.

Máis alá desta selección, na que quedaron fóra moitos momentos dignos de recordo, como o estado de forma actual de Mario (Oural), a participación do Ribadeo na final da Supercopa Galicia ou o ascenso da Milagrosa (entre moitos outros, incluso o primeiro partido de Fútbol a Pé da historia da provincia).

O noso sentir hoxe é de emoción e ledicia. Escapa un ano máis entre as nosas entre Tríos de Ases, Entrevistas ou Galerías. Futbolinlugo, ademais, mantivo o seu compromiso con todos aqueles que nos seguen cada día: consolidou a celebración do All Star, desenvolveu o I Campus Futbolinlugo, presentou unha nova edición da Guía e encheu esta páxina web de novas diarias. Pero todo iso é algo que temos que agradecerche a ti, quen le isto. Desde detrás da pantalla consegues manter esta ilusión, que se agranda coa chegada do Aninovo.