Merino, AD Matela: «Os equipos están reforzándose moi ben»

É un vello coñecido dos nosos campos. Este vindeiro ano afronta unha nova aventura na Segunda Galicia, neste caso na AD Matela, entidade recén ascendida desde a Terceira. Falamos de Ángel Merino.

O preparador lucense asina polo conxunto de Outeiro de Rei logo dun ano convulso a nivel individual e a nivel global. Merino comezaba a 19/20 na SD O Páramo, club militante na Segunda Galicia. Porén, meses despois, o técnico abandonaba a disciplina dos das Rapadas para incorporarse á do Lugo Unión. Máis tarde, a Covid-19 impediu que a temporada rematase como todos desexabamos, polo que o labor de Merino no conxunto capitalino quedou sen rematar. 

Agora, Merino afronta unha nova temporada cheo de ilusión e con moitas ganas de traballar nun conxunto novo na categoría. Hoxe, falamos co adestrador para saber máis acerca desta nova etapa!

Futbolinlugo: Que che leva a fichar polo Matela?

Ángel Merino:  Despois de varias chamadas recibidas de clubes de Lugo, a mellor opción para seguir traballando e con tranquilade era o Matela, onde non che impoñían nada, só traballar e tentar confeccionar un cadro de xogadores para non pasar apuros.

«Estou formando un grupo que pode competir con calquera»

FIL: Cales serán os obxectivos do clube na 20/21?

AM: Intentar non descender xa que vai ser unha Segunda Rexional moi competitiva, dado que a maioría dos equipos estanse a reforzar moi ben, nosoutros con humildade sairemos a competir e a facelo o mellor posible. Gústanme os retos e aquí estou, formando un grupo que pode competir, xa que temos as bases para facelo, reforzando o equipo un pouco podemos conseguilo,  queda pendente reforzar a zona de creación e de ataque, a ver se podo fichar a Soto que sei o que me pode aportar arriba.

FIL: Como pensas que será o formato de competición nesta nova normalidade?

AM: Aínda que todo está no aire, o idóneo sería ter tres segundas rexionales: norte, centro e sur. Sería máis atractiva,  pero dame a min que esta temporada non vai ser e o formato será de dous grupos, e en cada grupo dous grupos de 10. Pero todo depende do que decida a Federación galega. 

«No Páramo nunca se deron ou cumpliron as promesas da directiva«

FIL: Como definirías o teu paso pola SD O Páramo?

AM: No meu paso polo Páramo, sinceramente, nunca se deron o cumpliron as promesas da directiva, o corpo técnico nunca tivo o poder sobre o plantel, Quizais os xogadores veteranos son os que dirixen ao clube e así non se pode traballar, ademáis do hándicap de que non coincidimos para nada nas decisións o corpo técnico e non son partidario de esa filosofía.

Merino, no centro da imaxe, na súa etapa na SCD San Lázaro.

FIL: E polo Lugo Unión?

AM: No Lugo Unión foi máis por amizade con algún xogadores e directivos, que me chamaron para que lles botara unha man, atopei un equipo roto, sen ideas, que non sabían moi ben ao que xogaban,  pouco a pouco xuntamos pezas, fichando a algún xogador que nos dese ese salto de calidade e polo menos saír a competir e intentar facelo o mellor posible. 

«Intentarei chegar o máis lonxe posible»

FIL: Onde te ves a ti mesmo en cinco anos?

AM: Despois de moitos anos xogando ao fútbol e adestrando en categorías inferiores do San Lázaro, sempre me quedou o gusanillo de adestrar en sénior, así na temporada 17/18 , cun equipo moi bo iniciamos a nosa aventura nos banquillos quedando a tan só un punto de ascender,  e como sempre sigo formándome,  con cursos da Federación galega e cursos online,  para seguir adquirindo coñecementos e seguir conectado ao mundo do fútbol que tanto me gusta e intentar chegar o máis lonxe.

Luca´s Grill
Moreno´s Pizza

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 538

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.