No centro do campo Schuster e Xoel compartiron partido, aínda que se impuxo a xuventude do Sanci pola mínima.

O Casás e a Candelaria tamén sumaron os tres puntos cunha boa actuación individual de Cristian na banda e de Pablo como medio esquerdo.

Na zona sur, O Incio logrou un importante triunfo ante o Palas. A pesar de marcar catro goles, un dos grandes protagonistas estivo na portería. Manel realizou grandes paradas de mérito para evitar máis tantos visitantes.

O Antas venceu a un rival directo na loita pola salvación como o Lemos B. Os pupilos dirixidos por Hugo Vázquez amosáronse seguros en defensa, con Goleta como un dos sobranceiros do encontro.

Pau cumpriu nun Chantada B que vive un bo momento e trata de afastarse das posicións de abaixo. Aínda que o Rubián tratou de sumar algún punto coa entrada no campo de xogadores como Javi, que lle deron un novo aire.

Manuas foi un dos que máis ímpeto puxo para que o Quiroga non sucumbira ante o novamente líder San Roque. Aínda así, os xogadores dirixidos por Piru impuxéronse no San Martiño con Yelko como outro dos grandes protagonistas.

Damián foi un dos xogadores de referencia na clara vitoria do Brollón sobre o Becerreá.

O Santa Comba segue de doce e, con algo de fortuna e boa actuación de futbolistas como Jordi, venceu ao Friol.

Samos foi o gran sobranceiro do derbi que o Paradela levou ante o Portomarín.

A habilidade de Enríquez contribuíu de maneira moi importante a que o Ferreira empatara un 2-0 que O Páramo tiña ao seu favor nas Rapadas.