A escasos días do mes de setembro, o mercado aínda da os últimos coletazos previos ao inicio da competición. Comezamos polo fútbol feminino, cun CD Lugo que promete dar moitas alegrías este curso: as albivermellas suman ao seu proxecto á gardamallas Sara, que chega desde o Olímpico de León, e á zagueira Candela Vázquez. A defensora, natural de Becerreá, é un dos activos máis destacados da canteira da Montaña nos últimos tempos.

Xa no fútbol masculino, na Primeira Galicia, o monterrosino David Barrio seguirá agasallando fútbol cada domingo. Logo do seu paso polo Portomarín, o talentoso xogador volve ao club da súa vila, o Monterroso, para dar estabilidade e calidade ao medio do campo. O seu club de procedencia, o Portomarín, recupera a José ‘Sanfiz’ logo dun ano inactivo. O futbolista aportará velocidade e intensidade ao cadro miñoto.

Na Segunda Galicia, o Cabreiros renova a Manufa. O pontés non ía continuar no cadro dirixido por Paco López, pero finalmente sí formará parte do proxecto dos da Acea. No Grupo Sur, o recén descendido Antas asina a Diego Rigueira e a Iván Ramos, ademais de renovar a Martolo.