Comezamos este novo episodio falando de fútbol feminino. O Peluquería Mixta Friol acadou a renovación da xogadora venezolana Yoleidis Lizcano. A Comercial incorpora a María, Marga e Cris, mentres que no San Lázaro renovan as defensas Lourdes e Lucía Devesa. O Monteforte renova a Carla Vázquez.

O Monterroso anunciou a continuidade de Omar Gómez como segundo adestrador. Desta volta acompañará a Josito Jul, que se estrea no banquiño de Cerdeiriños. O Guntín incorpora ao mediocentro Carlos Lodeiro.

No Cospeito seguirán unha temporada máis Rui e Brais. O Sporting Pontenova comeza a articular o seu cadro de xogadores para a nova campaña en Segunda Galicia. Gabri continuará un ano máis defendendo a portería da Mina e o talentoso centrocampista Marounane incorpórase ao conxunto que adestrará Castro. No San Roque, Piru fará tándem con Fer no corpo técnico do cadro branquiverde.

O Antas, que tamén militará esta temporada na Segunda Galicia, renova a Méndez, Xurxo, Marcos, Garea, Anxo e Álex Diéguez. O Paradela asina as fichaxes de Jony e Edu, mentres que Alfonso Gesto renova nas filas do Xermade.