O Diario de hoxe está protagonizado pola Tercera Galicia. Os conxuntos da provincia non queren pasar apuros no verán e xa planifican a nova temporada, con ambición e ilusión. De feito, todo apunta a que aparecerán dous proxectos novos na capital, que competirán na Terceira Autonómica: Casás e Piringalla queren dar continuidade ao seu fútbol base na categoría sénior.

Tamén na capital, o filial da Comercial vén de anunciar a renovación e Rosón e Jesús, mentres que sufrirán a baixa dun Yeray que pasa a xogar de pleno dereito do primeiro equipo dos das Gándaras, na Segunda Galicia. Outro que non continúa no seu equipo e o defensor César Andión, que deixa o Corgo para enrolarse nos veteráns da Residencia.

No sur da provincia, o técnico Rodrigo Amarante seguirá un ano máis á fronte do Carballedo masculino, mentres que Ángel Merino non continuará no Santa Comba: todo apunta a que será o novo adestrador do Castro ‘B’. Outro que está preto de chegar ao Arturo Pereiro é o desequilibrante extremo Iago Buján. O atacante deixaría A Cheda para poñerse ás ordes do recén renovado Rafa Casanova para esta nova aventura chairega na Preferente Norte.