Destacados Primeira. Xornada 24

*Xermade-Monterroso: O Monterroso xa vencía por 0-4 no minuto 24. Frebas sorprendeu na portería ulloana e o meta Roi saiu nos últimos minutos para marcar o derradeiro gol. Martín Blanco fixo un doblete e Pedro Coria o tanto da honra para o Xermade. Os de Cerdeiriños estrearon a chamativa equipación amarela.

*Pastoricense-Xove Lago: O Pastoricense comeza a mirar cara a zona media-alta da táboa. Importante victoria nun encontro no que tirou de efectividade. A posesión foi para o Xove Lago. O cadro de Miguel Sancosmed cometeu dous graves erros que o deixaron sen punto algún.

*Foz-Santaballés: Un Foz superior segue sen baixar o pistón. Manolito asinou un doblete nun partido que os de Gayol sentenciaron moi preto do pitido final. O Santaballés apenas creou perigo sobre a meta de Bruzos. Na outra portería, debutou Comor. O gardamallas estreouse na segunda metade ao entrar no campo por Muelles. Ibán Gayol e Iago remataron expulsados.

*Bóveda-Sporting Pontenova: Partido moi tenso, no que o Pontenova se puxo cun 0-2 antes dos vinte minutos de xogo. O Bóveda non se foi do partido e salvou un punto cun gol de Cabanelas fillo pasado o minuto 80 de xogo.

*Páramo-Ferreira: Un efectivo Ferreira logrou un importante triunfo nas Rapadas. Unha victoria para a moral basada na efectividade. Os do Baliño aguantaron as acometidas do Páramo na primeira metade e remataron goleando tralo descanso a un rival que baixou as súas prestacións. Samba firmou dous tantos.

*San Roque-Chantada: Os goles e a polémica chegaron no remate do encontro. Iago Alonso adiantou ao San Roque de penalti no minuto 87. O Chantada igualou cun tanto de Kadete, dentro dos seis minutos de desconto que decretou o colexiado. A decisión non sentou ben en Montirón e o cadro de Manolo García concluiu a tarde con tres xogadores expulsados. O xuvenil Raúl debutou nos do Sangoñedo.

*Valadouro-Riotorto: Partido disputado e con ocasións, moi entretido para o espectador. Play adiantou ao Riotorto e Felipe Varela culminou a remontada do Valadouro a menos de dez minutos para o final.

*San Ciprián-Lemos: Duelo de alternativas na Veiga. O San Ciprián remontou o tanto inicial de Armesto con dous goles consecutivos no ecuador da primeira metade. Iso sí, Armesto marcaría de novo na reanudación e levaría un punto para Monforte.

*Taboada-Sarriana: Marino decidiu na Medela no último cuarto de hora. O meta Macía celebrou o gol diante da afección local, feito que non sentou nada ben na bancada da Medela. Un xesto un tanto incomprensible… O importante para os da Ribela é que firmaron unha nova victoria pola mínima. E que aumentan a distancia co terceiro posto.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.