*Monterroso-Pol: Reinou o fútbol directo nun Cerdeiriños cheo de auga. Basi adiantou ao Monterroso pasados os vinte minutos de xogo. Melchor aumentou as diferenzas nesa mesma primeira metade. Foi nun lanzamento de falta directa. Na segunda parte apretou o Pol e tamén fixo o seu gol a balón parado. Obra de Yeray. A cousa quedou aí xa que os de Abad sufriron dúas expulsións e morreu o partido. Nos últimos minutos, o cadro da Ulloa tivo opcións de facer algún gol máis. A anécdota do encontro estivo en que Lautaro só xogou catro minutos para os visitantes. Entrou no minuto 58 e viu o segundo cartón amarelo no 62.
*Sporting Pontenova-Friol: O conxunto de Andrés Bouza volveu caer no mesmo erro. Dominou na primeira metade de principio a fin. Puido golear e non o fixo. Só chegou o balón ao fondo das mallas nunha ocasión. O cadro local deixou con vida a un Friol que trocou a tres xogadores no descanso. Cambiou o guion totalmente na reanudación. Os de Jon Vázquez maniataron aos mariñáns. Catro goles obra de Rafa Casanova e incluso un penalti marrado. A Pontenova morreu matando. Intentando salvar os mobles ata o final porén sen inquietar.
*Xove Lago-Taboada: O conxunto de Martín Murado fixo unha gran posta en escea que obligou aos mariñáns a sacar o mellor de sí. Roi evitou o gol do Xove Lago na primeira metade. E mesmo, nun par de oportunidades na reanudación. Porén o tanto acabou chegando. Foi obra de Máikel nun penalti dubidoso. O Taboada buscou o empate aínda que non terminou de ter achegamentos claros nunha segunda parte con moitas interrupcións. Quizais a ocasión máis clara foi nunha falta de Guerreiro.
*Páramo-Atlético Escairón: O conxunto de Fontal tirou de efectividade na primeira metade. Marchouse ao descanso cunha mínima vantaxe ante un Atlético Escairón que creceu co paso dos minutos. Na segunda parte, a sociedade Totti-Pandiani propiciou a remontada. De feito, o primeiro deles asinou un hat-trick. A falla de dez minutos para o remate, Corbelle meteu ao Páramo de novo no encontro. Porén os do Saviñao anotaron e cuarto e definitivo gol e pecharon o triunfo.
*Burela-Chantada Atlético: O cadro de Fran Regal sobrepúxose ao gran inicio do Burela e dispuxo dun par de oportunidades para adiantarse na primeira metade. Iso sí, o gol non chegou ata a reanudación. Nun auténtico ‘correcalles’ con ocasións para ambos equipos, o Chantada Atlético inaugurou o marcador. O conxunto de Jaime Méndez, con notables baixas nesta xornada, deulle a volta ao tanteador pero non foi quen de deixar os tres puntos na casa. O equipo albivermello sacaba un empate da Marosa nunha boa acción combinativa.
*Chantada-San Ciprián: O conxunto de Juan Rodríguez xa é segundo despois dunha espectacular escalada na clasificación. Un combativo San Ciprián, plagado de baixas, vendeu moi cara a derrota. O Chantada dominou de principio a fin e malgastou multitude de ocasións. Madariaga mostrouse intratable na primeira metade. E só puideron con él na reanudación. Foi unha soa vez, cando Brais aproveitou un pase da morte para deixar a victoria no Sangoñedo.
*Santaballés-Pastoricense: Un erro puntual propiciou que un voluntarioso Pastoricense en cadro se adiantase no marcador antes do cuarto de hora. A partires de aí, o Santaballés fixo moito dano a balón parado e igualou no minuto 45. Na reanudación os de Dani Moirón sairon moi enchufados e déronlle a volta á ‘tortilla’. Non foron capaces de matar o partido a pesares de ter ocasións de tódolos colores. Deixaron con vida aos de Fran Veiga, que arañaron un punto no quinto minuto de desconto ao materializar unha boa xogada colectiva.
*Residencia-Outeiro de Rei: Duelo de poder a poder entre dous dos aspirantes ao ascenso. A Residencia mostrouse mellor con balón na primeira metade e Dani Galán estrelou unha falta na ‘cruceta’. Na reanudación, o Outeiro estivo máis atinado co balón e dispuxo dalgunha oportunidade para poder levar os tres puntos. Iso sí, os afeccionados da Cheda quedaron sen goles.
*Lemos-Riotorto: Emilio regresou once meses despois cunha nova victoria do Lemos na Pinguela. Gran primeira metade dos de Edu Rodríguez, que xa gañaban por 3-0 antes da media hora de xogo. Meritoria vantaxe tendo en conta que tralo primeiro gol, os monfortinos quedaron cun xogador menos. E tamén, que o Riotorto desperdiciou ata dous penaltis. O líder tivo esa pizca de sorte necesaria. Na reanudación, os de Labrada atopáronse cunha defensa moi seria. Aínda así, conseguiron o tanto da honra preto do remate.
