Chantada e PM Friol B leváronse os derbis da xornada

Nunha xornada de derbis, o Carballedo provocou o primeiro pinchazo do líder

Un empate un tanto decepcionante. Así se resume a visita do líder PM Friol ao feudo do Olímpico de León (2-2). As rapazas de Covi non pasaron da igualada a pesares de facer méritos suficientes para acadar os tres puntos na Primeira Nacional. Iso si, a circulación de balón e o caudal de ocasións; non foi tan fluido como en pasadas xornadas.

Luca´s Grill
Moreno´s Pizza

O PM Friol adiantouse por dúas veces no marcador, en sendos tramos finais de ambas partes. Pero as súas vantaxes mínimas duráronlle escasos minutos. Un discutido penalti e unha falta dubidosa déronlle aire ás locais cando máis o precisaban. E impediron o triunfo lucense.

O derbi caeu do lado das de Diego Vivero

  • Antas 1-3 PM Friol B

O descanso do Lugo propiciou que só houbese un partido con intereses lugueses esta xornada. O gran derbi non defraudou e o PM Friol B impuxo o seu estilo dentro da igualdade reinante. As rapazas de Diego Vivero acumularon máis posesión e ocasións ante un Antas que volveu mostrar o seu bo facer defensivo. A adestradora do primeiro equipo Covi xogou e asinou un dobrete.

Mel, traballo defensivo para o Antas

O Carballedo provoca o primeiro pinchazo do líder

  • EF Lalín 1-2 Monte Forte
  • Cruces 0-16 Comercial
  • Carballedo 1-1 Santiso
  • Milagrosa 0-4 Chantada

Nin unha soa derrota nunha semana na que lle tocou descansar ao San Roque. O derbi lucense marchou para Chantada, e con el o segundo posto da táboa. O cadro de Álex Cambeiro realizou o seu mellor primeiro tempo da temporada, dominando en absoluto á Milagrosa. O 0-3 ao descanso xa o di o todo. Na reanudación, houbo tempo para que Laura Carnero asinase o seu dobrete.

Xiana, trigoleadora da Comercial

O Carballedo arrebatoulle ao líder os primeiros puntos desta campaña. O Santiso saiu con moita vida do Catro Ventos. E cun meritorio empate ante un Carballedo que as tivo de todas as cores, especialmente na segunda metade. Vero, Laura Delgado e Ana Lamas destacaron nun conxunto lucense que topou con paus, longueiros e mans a mans que non quixeron entrar.

Laura Carnero, bigoleadora no derbi de Segunda

No resto de partidos da xornada, triunfos para os nosos intereses. O Monte Forte venceu pola mínima a un EF Lalín que se viu superado en todo momento. Cheni certificou o mando visitante cun dobrete. O seu último gol, con suspense, ao bordo do desconto. E a Comercial arrasou no campo do Cruces. Jenny fixo nove goles e Xiana, outros tres.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 829

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.