CD Lugo e Antas xogarán a gran final no Sangoñedo

Diego Díaz Martínez / 2 años
21/06/2023
0
3min de lectura

Apunten data e lugar: Domingo 25 de xuño, 17.30 horas no Sangoñedo. Unha cita sinalada en vermello para o fútbol feminino da provincia. Nela estarán o CD Lugo e SD Antas na gran final da Copa Deputación 2023.

O conxunto de Joaquín Blanco accedeu á última rolda sen problema algún. Abusaron da posesión ante unha incansable Milagrosa chea de xogadoras cadetes. As de Héctor Expósito buscaron, sen sorte, unha contra perigosa ante un Lugo que; esta vez si, tivo puntería. As albivermellas non perdoaron e asinaron unha nova goleada, con ‘dobretes‘ incluídos de Lola e Laura.

Dúas vitorias en menos de 48 horas para renunciar logo á final

Pola súa parte, o PM Friol B superou dúas roldas en menos de dous días. E non xogará a final do Sangoñedo! O viernes pasado pechou os cuartos de final cun cómodo triunfo ante un Carballedo coas xogadoras xustas e moita xuventude. As de Geluco Villar mandaron en todo momento ante as de Sementa, que competiron ben a pesares das circunstancias. O filial da Reigosa deixou a eliminatoria encarrilada na primeira media hora, na que xa mandaba por 4-0. Nerea ‘Chantada’ asinou un hat trick nese lapso de tempo.

Custoulle moito máis as amarelas o domingo nese mesmo escenario da Reigosa, neste caso ante a SD Antas. O PM Friol B fixo un bo inicio de partido, co dominio do esférico pero xerando pouco perigo. Nuria mantivo a súa meta a cero ata que, preto do descanso, Nere Lombardero lograba o primeiro da tarde.

Na reanudación, viuse un mellor Antas. As de Dani Abelairas subiron a presión e pisaron moito campo contrario. No seu mellor momento, chegou o segundo das locais e de Nere Lombardero. Un auténtico golazo. Cando todo parecía case resolto, as de Geluco Villar quedaron con dez. Abelairas moveu ficha ao momento, poñendo a Iria de porteira e a Nuria de xogadora de campo.

A xogada tivo o efecto desexado. Chegaron as ocasións ante un PM Friol B que buscaba cortar o ritmo visitante en todo momento. Paula Méndez avisou cun perigoso testarazo e Melanie recurtaba diferenzas desde a frontal. Esa foi a última bala dun Antas ao que lle curtaron as alas a base de interrupcións.

Nerea *‘Chantada’* marcou un hat trick ante o Carballedo

No remate do encontro, Covi rematou expulsada. Un segundo cartón vermello que deixaba aínda máis en cadro ao filial da Reigosa para a final da Copa Deputación. Ante as numerosas ausencias coas que conta o PM Friol B para este próximo domingo, o club presidido por Geluco Villar decidiu renunciar á citada final do Sangoñedo. Deixando o seu oco ao Antas.