A nosa base nas Ligas Galegas, Nacionais e Divisións de Honra

O CD Lugo conta con equipos en todas as ligas Galegas, Nacionais e De Honra.

Hoxe, queriamos facer un recoñecemento a todos os nosos equipos de base que disputan campionatos como a Liga Galega, a Liga Nacional ou a División de Honra. Desde infantís ata xuvenís, Residencia, Burela, Calasancio, Lugo, Villalbés e Viveiro son os seis clubes lucenses con representación nestas categorías.Comezando pola Liga Galega Infantil, pódense diferenciar nela dous grupos: o primeiro, o grupo norte, no que contamos con dobre representación: O CD Lugo, asentado na cuarta praza, que da acceso á disputa do campeonato galego entre os catro mellores equipos do grupo norte, e os catro mellores do sur, e a Residencia, posicionada na metade da táboa. No grupo sur o único representante lucense é o Calasancio de Monforte, equipo que pelexa por manter a categoría nunha liga realmente igualada e de gran nivel.

O Viveiro estáse a abrir un gran oco na base de Lugo.

Cambiando de categoría, chégalle o turno aos cadetes. Diferenciamos Liga Galega Norte e Sur. Na norte un recén ascendido, o Porto Burela, e o Lugo B loitan pola permanencia, estando agora mesmo ambos en postos de descenso, pero moi preto da salvación. Máis arriba, no medio da táboa, atópanse o Viveiro e o Villalbés, equipos que son grandes referentes no fútbol base da provincia. Na Liga Galega Sur, o Calasancio volver ser o único conxunto lucense. Neste caso, os rapaces atópanse máis arriba na táboa que os infantís deste mesmo clube, situándose na metade da clasificación.

E se o Lugo B estaba na Liga Galega, o Lugo A xoga na División de Honra Cadete, e están a desempeñar un gran papel (son quintos) a pesar de contar últimamemente cunha mala xeira de resultados.

O Racing Villalbés é un referente na base lucense.

Tras analizar aos cadetes, é o momento dos xuvenís. Nesta categoría, a representación lucense divídese en tres ligas: A Liga Galega Xuvenil, na que xoga un Viveiro que pelexa polo ascenso á Liga Nacional xuvenil, onde xa contamos con clubes da provincia, como son o Lugo B e o Calasancio, situados na zona media, e o Racing Villalbés, que é sexto e tenta conseguir ascender á División de Honra, na que o Lugo A é quinto, e está a firmar unha espectacular campaña, competindo de con clubes como Sporting de Xixón ou Racing de Santander.

E con isto, rematamos o repaso de todos os clubes de base que levan o nome da provincia de Lugo en cada desprazamento, ben sexa a Vigo, Coruña, Pontevedra, Ferrol, Oviedo… todos estes rapaces merecen un amplo recoñecemento, sen dúbida ninguna!

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.