Arquivo histórico do fútbol provincial
Esta fin de semana circulou polas redes sociais unha reportaxe sobre o fútbol chairego realizada no ano 1996 polo programa de Canal +, “El Día Después” (programa que se mantén a día de hoxe pero na canle Vamos de Movistar). O documento recolle un partido da coñecida como Liga da Terra Chá (cando aínda a maior parte dos equipos non estaban federados) entre o San Julián (da parroquia de Mos en Castro de Rei) e o Samarugo (da parroquia vilalbesa co mesmo nome). A paixón que había naquel momento polo fútbol interparroquial, a ausencia de vestiarios, pero a presenza de carballeiras son algúns dos detalles que garda este arquivo que forma parte da historia do fútbol da provincia.
A reportaxe foi elaborada polo coñecido Raúl Ruiz que aínda continúa realizando reportaxes deste estilo en Vamos. Raúl foi futbolista e xogou entre outros, no CD Lugo na temporada 1993-1994. O reporteiro recordou tamén esta reportaxe sobre a Liga da Terra Chá no seu twitter.
Este es uno de mis primeros vídeos cuando grababa yo con una vídeo cámara ,muy rudimentario pero hecho con cariño https://t.co/ScITmAMLl1
— Raúl Ruiz (@RaulRuizBenito) February 2, 2019
“Bolos non me quedan, váleche unha rosca?”
O xogador do Viveiro, Xaime fíxolle un guiño ao seu traballo e marcou un gran gol que significou unha das chaves da vitoria do cadro celeste no derbi ante o Foz. Algúns din que poida que falte un home na barreira, pero a rosca ao “estilo Roberto Carlos” xa é viral entre os afeccionados ao fútbol na provincia. O futbolista de Outeiro é o máximo goleador do equipo logo de marcar o décimo segundo gol da temporada. A vitoria permítelle ao Viveiro seguir nos postos de ascenso da Preferente.
As inclemencias do tempo
É habitual que nestas datas o mal tempo modifique os plans para algúns. O fútbol, ao ser practica ao aire libre, vese afectado en moitos casos. Esta xornada suspendeuse na provincia o Castroverde – Quiroga. Non obstante, tamén fóra dos límites da provincia afectou o tempo. O PM Friol CD Lugo non xogou o seu encontro ante o Gijón Fútbol Feminino pola nevarada que caeu sobre o terreo de xogo asturiano. O resto dos rivais directos do equipo friolés si xogaron e venceron polo que o Friol saíu momentaneamente dos postos de ascenso á Primeira B.
🚨⛈⛈ APLAZADO EL #GijónFF – @PMFriolCDLugo
.
El partido de Segunda División entre #GijónFF y @PMFriolCDLugo que debía disputarse mañana a las 12:30 en La Cruz, queda aplazado por el mal estado del terreno de juego y las instalaciones debido al temporal.
.
💙❤️#Teyeres pic.twitter.com/E2YRhnwXbm— Gijón Fútbol Femenino (@GijonFutFem) February 2, 2019
Non obstante, aínda que a neve fixo acto de presenza nalgún sitio foron quen de apartala para poder xogar. Algúns dos futbolistas do Meira aplícaronse para xogar a 18ª xornada da Segunda Rexional ante o Xermade. O cadro meirego protagonizou unha das sorpresas da xornada ao derrotar 3-1 a un dos candidatos ao ascenso.
A esencia do fútbol do pobo, todos poñemos o noso gran de area. #ForzaMeira 💙 pic.twitter.com/FzXYEiCTfF
— Meira Futbol Clube (@MeiraFClube) February 3, 2019
