A solidariedade volveu estar presente esta fin de semana na provincia. Un exemplo foi o da Comercial, o equipo capitalino amosou o apoio aos compañeiros que están pasando por un mal momento e tamén quixeron darlle visibilidade ao cancro de mama. Ademais, os máis cativos comezaron as súas competicións e nalgún sitio de xeito especial.
Non foi o mellor partido da Comercial que caeu derrotada por goleada na sétima xornada do grupo norte da Segunda Rexional ante o Folgueiro, que consolida a segunda praza da clasificación. Non obstante, o resultado non foi o máis importante nunha fin de semana complicada para os xogadores do cadro capitalino. Os futbolistas da Comercial amosaron o seu apoio ao gardamllas Adrián Rodríguez pola falecemnto do seu pai e tamén a Manu polo pasamento da súa ávoa. Ademais tamén apoiaron a visibilización do cancro de mama portando a camisola rosa. Unha demostración de que as vitorias en partidos supoñen só tres puntos, pero fóra do campo a trascendencia do noso fútbol é moito máis grande.
É o concello máis extenso de Galicia en canto a quilómetros cadrados, pero a súa poboación vai a menos dende hai uns anos como na maioría do territorio galego. Aínda así, o Fonsagrada FC conta esta tempada por primeira vez na súa corta historia (esta é a terceira campaña no que o equipo sénior está en competición) con categorías inferiores. Os alevíns e os benxamíns estreáronse esta fin de semana.
Día histórico na Fonsagrada, debut das nosas categorías inferiores, donde os Alevines empataron e os Benxamines perderon, ambos contra a SD Becerreá.#FonsagradaFC pic.twitter.com/o5O3lxYCu8
— FonsagradaFC (@FonsagradaFC) October 21, 2018
Por outra banda, na capital tamén o Casás aumenta as súas categorías inferiores e por primeira vez conta cun equipo na categoría Prebenxamín.
Por primera vez en la historia del Club, sacamos equipo en la categoría Prebenjamín de Fútbol 8 debutando con una victoria frente a ADC Piringalla "C".#ForzaCasás#MedrandoXuntos pic.twitter.com/wBsB7HLuyK
— Club Polideportivo Casás (@cpcasaslugo) October 20, 2018
