As nosas guerreiras da fin de semana!

Xornada atípica no fútbol feminino lucense, especialmente na Segunda División Nacional. Nesta categoría, o PM Friol CD Lugo visitaba o campo do Gijón Feminino, un partido vital de cara ás expectativas de ascenso das rapazas da Reigosa. Porén, o choque foi suspendido por mor das malas condicións climatolóxicas, e semella que se disputará este domingo aproveitando o parón da competición por seleccións autonómicas.

Onde si se competiu foi na Primeira Galicia… e de qué xeito! A SCD Milagrosa apisonou a outra SCD, a de Pastoriza (Arteixo, A Coruña) nunha espectacular segunda parte na que as lucenses pasaron do 1-0 en contra ao 2-5 final, grazas aos goles de Lucía Armesto, Candela Veloso, Naiara Castro e Esther Núñez por partida dobre. A SD Antas tamén venceu, neste caso por 2-1 ante o Sárdoma. O partido estivo marcado pola intensidade do xogo, pero un gol de Nuria desde 40 metros no minuto 84 inclinou o resultado en favor das locais, superando así a un rival directo pola permanencia!

Xa na Segunda Galicia, a gran sorpresa da xornada veu dada pola SG Comercial, que arañou un punto ante o galo da categoría, o PM Friol CD Lugo «B», nun derbi moi igualado de principio a fin que acabou cun empate a un gol. O Carballedo CF, pola súa banda, caeu por 2-6 frente á Unión Campestre. Porén, o choque chegou con 2-3 ao minuto 80, pero as acometidas fallidas das locais e a efectividade visitante á contra levou o marcador ata o 2-6 final. Cabe destacar que o conxunto crece a pasos axigantados!

A SD Chantada tampouco conseguiu sacar nada positivo da súa visita ao campo do Imperator, pese ao bon plantexamento das do Sangoñedo e pese a adiantarse no marcador no minuto 12, o temprano empate local e unha estratosférica actuación de Alicia Albuerne, que anotou tres goles, decantou o choque para as coruñesas, 3-1.

Xa no Fútbol-8, o Burela de Jesús Rial segue nunha gran dinámica, tras vencer 4-0 ao Orillamar un duelo no que destacou Lucía Sánchez, e a SCD Milagrosa «B» segue a escalar postos na clasificación tras a súa victoria na casa da Unión Campestre «B».

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.