Tres equipos partirán con vantaxe no encontro de volta das semifinais polo ascenso á Primeira Galicia. Na zona norte, o Sanci e o Racing Villalbés B colleron a dianteira. No sur, o San Lázaro ten dous goles ao seu favor, mentres que o cruce entre o Brollón e o Friol está igualado. No caso de que o rematar os minutos regulamentarios unha eliminatoria estivese empatada, xogaríanse 30 minutos de prórroga. Se permanecese sen cambios, o pase decidiríase nos penaltis. Logo, aínda queda a eliminatoria final para decidir os ascensos.

O Sanci amosa a súa carta de presentación con tres goles diante do Iberia (3-0)

A vitoria máis contundente da ida da primeira eliminatoria polo ascenso á 1ª protagonizouna o Sanci. Marcou tres goles e non encaixou ningún ante o Iberia na Veiga. Con todo, foron os visitantes que sen puideron adiantar no marcador ao comezo. O gardamallas Madariaga salvou un man a man ante Prieto. Na seguinte xornada, os locais si anotaron por medio Hugo Fustes.

Os pupilos preparados por Jaime Méndez estiveron moi acertados e marcaron dous máis antes do minuto 20. Antón (de falta directa) e Borja Mella foron os autores. O Iberia refíxose e intentouno pero a falta de efectividade volveu ser o seu hándicap. Con todo, nas Valgas preparan o partido de volta con intención de remontada. A afección de San Miguel apertará ata que sexa posible.

• Iberia – Sanci (dom. ás 17:00 h nas Valgas)

O filial racinguista, única vitoria a domicilio ante o Folgueiro (0-2)

O Racing Villalbés B foi o único que logrou unha vitoria como visitante. Trae dous goles de vantaxe para a «casa». A volta xogarase no artificial da Fonte en Cospeito, lugar onde o filial xogou esta tempada a maioría dos seus encontros como local.