Novo líder no grupo norte da Segunda Galicia. O Burela aproveitou os resultados da xornada, xunto co seu duelo directo ante o Cabreiros para colocarse na cabeza da clasificación. No grupo sur, continúa a gran xeira do Friol que mantén diferenzas co segundo clasificado, pero auméntaa co terceiro posto que agora ocupa o San Lázaro.

No grupo norte, o Burela derrtou pola mínima o Cabreiros e colocouse líder da categoría en solitario cunha diferenza de tres puntos sobre o Guitiriz. O conxunto adestrado por Delfín Romero caeu na Fonte ante o Cospeito. Un penalti na segunda metade decidiu o encontro. Preto dos postos de ascenso directo segue o Pol, que conseguiu a súa terceira vitoria dende a chegada do técnico Roberto Rielo; venceu tamén pola mínima ao Abadín. Na pelexa tamén seguen o Folgueiro que derrotou ao Matela (o equipo de Outeiro de Rei foi cos xogadores xusto para o partido, dous deles lesionados e o segundo porteiro xogando de futbolista de campo), o Cabreiros a pesar da súa derrota e o Lourenzá, que sumou o seu segundo partido perdido ante un Candelaria que xa chegou a zona morna da clasificación.

 

Segue sumando o Roupar que igualou na casa ante o Meira e mantense nunha cómoda posición. Venceu por segundo partido consecutivo o Mondoñedo, desta volta ante o Iberia. No duelo entre os dous equipos que ocupan prazas de descenso o Alfoz alimenta as súas esperanzas de salvación ao derrotar ao Ourol. É a primeira vitoria dende a chegada ao banco de Paquito.

No grupo sur, o Friol mantense intratable na cabeza da táboa clasificatoria logo de vencer con claridade ao Sporting Lucense. Mantén diferenzas co Chantada B, que tamén gañou ante a Milagrosa. Terceiro xa é o San Lázaro que derrotou ao Palas e segue coa súa boa xeira, doce encontros sen perder. Quen perdeu posicións foi o Oural que caeu ante un Castroverde que colle folgos. Ademais tivo a boa nova do regreso de Gabi, que fixo un gran encontro, despois de levar sen xogar dende o mes de outubro por unha lesión. Outros dos candidatos na zona alta empataron na fin de semana. O Chantada Atlético ante o Brollón e o Santa Comba ante o filial do Monterroso.

 

Na zona morna a SD Becerreá perdeu no Castro Seoane ante o Antas. O equipo adestrado por Diego Gallego volveu gañar despois de once xornadas sen facelo. Vitoria importante tamén do Portomarín ante o Rubián, a segunda consecutiva do equipo preparado por Manu que continúa na boa progresión.

Comparte

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*