Non foi una boa xornada para os equipos lucenses que teñen importantes obxectivos en xogo de cara ao final da temporada. Por iso, a pesar de ter a súa presenza habitual no noso once, cobran protagonismo os xogadores do Ribadeo que foi o único equipo da provincia que conseguiu gañar nesta xornada.

No derbi de Cantarrana o Lugo B tan só foi quen de empatar (1-1) e afástase do segundo posto da clasificiación. O Viveiro contivo ao filial albivermello con Dani e con Diego Chis como dous dos futbolistas máis destacados do encontro. Nin a boa actuación na segunda metade de Dani Góngora nin co gol de Julio Camba conseguiron os pupilos de José Durán darlle a volta ao marcador. O Viveiro segue cómodo na oitava posición e o Lugo B queda cuarto a catro puntos do Estudiantil. O conxunto adestrado por Gelucho derrotou por 4-1 ao Escairón que foi de máis a menos e só aguantou na primeira metade. Denis foi un dos máis destacados do cadro do Saviñao.

O dianteiro do Lemos Diego Arias repite no once por segunda semana consecutiva

Non acompañaron os resultados para os equipos da zona baixa que buscan a permanencia. Ao Lemos escapouselle a vitoria en Vimianzo ante o Soneira nos últimos instantes (1-1). Ben é certo, que Santi xa salvara anteriormente ao seu equipo que se puxera por diante grazas a un gran gol de Diego Arias. Aínda así, o conxunto de Monforte deixou a un rival case sen opcións e mantén a boa liña dos últimos encontros. Quen non puido sacar nada positivo foi o Chantada que perdeu 3-0 ante o Paiosaco. Nun mal partido chantadino ante un dos equipos fortes da categoría rescatamos a actuación de Cebolli. O Chantada deberá gañar e seguir pendente dos arrastres nas vindeiras xornadas.

O Ribadeo triunfou unha xornada máis e colócase nunha meritoria sexta praza despois do mal incio de tempada. Yoel, a entrada de Rafa Casanova e Criss foron do máis destacado dun enfrontamento no que o equipo da Mariña chegou a ir perdendo por 2-0, pero que conseguiu remontar. Pola súa banda, queda sen representación no once a Sarriana que perdeu 3-0 co último clasificado, o Sporting Sada.

Comparte
                     

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

1 ComentarioDeixa un Comentario

  • A SD Chantada presentou en tempo e forma a pertinente reclamación por alineación indebida do UD Paiosaco co seu futbolista Javier Fuentes Arijón, xogador que, segundo o Acordo do Comité de Disciplina en reunión do 03/maio/2017 debería cumplir un partido de sanción por acumulación de amonestacións en diferentes partidos da mesma competición.
    En base aos motivos esgrimidos polo UD Paiosaco para poder alinealo, destápase unha mais que grave e importante lagoa regulamentaria a nivel federativo que vulnera e atenta de forma flagrante a igualdade competitiva pretendida en toda competición, especialmente referida aos equipos da nosa provincia participantes nesta Preferente Galicia.
    Agardaremos os futuros acontecementos que de seguro serán noticia.

Deixa un Comentario

O teu Email non se publicará. Cubre os campos requeridos*