En camiño de rematar a primavera e dar comezo ao verán, pero iso non o nota o mercado de fichaxes de Futbolinlugo que fixo como o sol e non esperou a que comezase o período estival para quentar o ambiente. Unha das grandes promesas do noso fútbol fichou polo CD Barco da Terceira División, o porteiro Sergio Cabanelas que despois de superar dúas graves lesións xogou a última parte desta temporada no Atlético Escairón.

Na Preferente Norte o Ribadeo confirmou unha renovación máis, a de Miguel Gomes. O dianteiro súmase ás xa coñecidas de Cube, Marcos Peña, Criss, Rafa Casanova, Yoel, Iván, Luki, Juanm, Parapar, Jacob e as fichaxes de Tichu, Dani Prieto e Hugo López. Pola súa banda, tamén na Mariña pero na Primeira Galicia ao Valadouro chegan o centrocampista Erik procedente do Foz da mesma categoría, o dianteiro Andrés Guijarro do Xove Lago tamén da mesma división e o mediocentro aragonés Joni que conta con experiencia incluso na Terceira División. O próximo en chegar ao equipo do Árbol podería ser Pedro Prieto tamén procedente do Xove Lago.

Diego Rego era o adestrador do equipo xuvenil, cargo que seguirá exercendo

Baixando ata a capital, a Residencia da Preferente Norte incorpora a Edgar do Lugo B e a Xairo do Becerreá. Tamén na Primeira Galicia hai novidades no novo Páramo de Piru que seguirá contando con Corbelle, Diego Gayoso, os dous Fontal, Héctor, Hugo, Meixente, Omar, Palle, Pepe, Saúl, Bolo, Borjita e Brais. E como altas chegan Cansi procedente da Sarriana e Álex do Lucense.

Para rematar, na Segunda Galicia grupo norte o Escolas Deportivas Lourenzá comunicou a incorporación de Diego Rego como novo adestrador. O conxunto laurentino estivo preto de loitar polo ascenso á Primeira e chegou ás semifinais da Copa nesta última temporada. Despois da marcha de Edu por motivos laborais, o equipo confía en Diego Rego a dirección do primeiro equipo e seguirá sendo tamén o preparador dos xuvenís.

Comparte
                                                                                    

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*