*Chantada Atlético-Residencia: Duelo intenso e disputado no que a Residencia deixou escapar unha victoria que tiña no peto. O cadro de Álvaro Meilán gañaba por 0-2 no minuto 85 porén o bo xogo chantadino atopou a súa recompensa. Adri recurtou diferenzas de penalti e Iago, tras varios rexeites, salvou un punto no 95.

*Xove Lago-Friol: Incrible que non se disfrutasen goles no Municipal de Xove. Máikel, omnipresente, liderou o ataque dos mariñáns na primeira metade. Juanjo Coello rozou un tanto que nunca chegou ante un Alberto Pacio imperial. Cambiaron as tornas tralo descanso. Os de José Manuel tiñan as pernas máis pesadas e buscaban contras ante un Friol que acabou asediando a área contraria. Isaac enviou un obús á cruceta. A pelota non quixo entrar. Samu debutou co Xove coma titular.

*Pol-Atlético Escairón: Os de Eskalza perdonaron no tramo inicial, cun disparo de Pandiani ao pau e outro bo remate de Hamir. O cadro de Abad creceu co paso dos minutos. Yeray fixo o único tanto do encontro á media hora de xogo. Na reanudación, o Pol administrou a súa vantaxe. Xogouse ao ritmo que lle interesou.

*San Ciprián-Páramo: Tolemia de ocasións na Mariña. Calquera puido gañar. Borja Rasilla marcou ao bordo do descanso nunha primeira metade na que as mellores ocasións foron para os de Lekumberri. Na reanudación, o Páramo tivo o seu momento para matar o encontro. Non o fixo e Dani Sante igualou nunha contra liderada por Kaká. Despois, Lisboa foi expulsado. Os de Fontal sobrepuxéronse a un rato de sufrimento e ata dispuxeron de tres boas oportunidades en inferioridade.

*Chantada-Pastoricense: Dous erros infantís puxéronlle o encontro de cara ao Chantada. Ademais, o capitán Kadete fixo o 3-0 antes do descanso nun córner. Segundo gol na súa conta particular. Os de Juan Rodríguez puideron matar o encontro na primeira metade. Porén Raúl empeñouse en manter con vida aos de Fran Veiga. Golazo de falta. Despois do descanso, Raúl mollou de novo e o Pastoricense dispuxo de ocasións suficientes para empatar. Iso sí, os tres puntos quedaron no Sangoñedo.

*Lemos-Pontenova: Tarde para olvidar do colista na Pinguela. O líder mostrouse superior de principio a fin. O Lemos firmou un dos mellores partidos desta temporada, dándolle un ritmo alto ao xogo con balón e sen él. A peor nova foi a lesión de Emilio, que viña de recuperarse dunha rotura de ligamento cruzado, e mancouse de novo nese mesmo xeonllo.

*Outeiro de Rei-Monterroso: O conxunto de Cholas dominou en todo momento e segue en postos de ascenso. O Outeiro puido sentenciar na primeira metade porén solo foi capaz de marcar por mediación de Diego Seijas. O Monterroso perdonou o empate na mesma área pequena. Na segunda metade, os goles non chegarían ata os minutos finais. Veiga puxo terra de por medio co 2-0 e Barrio fixo o tanto da honra dos da Ulloa no desconto.

*Taboada-Santaballés: Encontro feo para o espectador no Castro Seoane de Antas. Os dous goles do encontro chegaron a balón parado. O empate quizais sexa o resultado máis xusto. Aínda que ambos equipos tiveron os seus momentos para levar os tres puntos. O Taboada, nos compases finais da primeira metade. E o Santaballés, cunha oportunidade clara nas postrimerías do choque.

*Riotorto-Burela: Derbi mariñán no que os cartóns vermellos lastraron as opcións do Riotorto. Nunha primeira metade de escasas oportunidades, a expulsión de Alberte resultou decisiva. Por se fose pouco, na reanudación Iago tamén viu a vermella. Os de Labrada quedaron con nove. Celes marcou nun remate a centro lateral e o Burela permitiuse tamén o luxo de marrar un penalti. Nos últimos minutos, os locais xeraron perigo en inferioridade porén o marcador non se volveu mover.

Comparte
                     

Sobre o autor Ver todos os posts

Diego Díaz Martínez

Diego Díaz Martínez

Polivalente hiperactivo. Enfermo do "balompié". Só estás a un mal día de ser coma min.

Deixa un Comentario

O teu Email non se publicará. Cubre os campos requeridos*