Trío de Ases Terceira (Xornada 38) e Preferente (Xornada 36)

Unha gran noticia dentro dunha fin de semana mala. O Racing Villalbés finalizou terceiro despois de gañar ao Laracha por 4-2. Non só levou os tres puntos, senon tamén a mellor puntuación e clasificación histórica do clube. O rival contou cun paisano no lateral dereito, o vilalbés Víctor Eimil. Agora xa toca pensar no que vén. Será esta fin de semana na Magdalena, ante o almeriense Atlético Pulpileño. A volta, á semana seguinte en Andalucía. Lugar de pésimo recordo para os de Óscar Gilsanz. Alí acabaron a súa única aventura na fase de ascenso a Segunda División B.
Xa na Preferente, o Atlético Escairón confirmou o seu descenso e acompañará o próximo ano ao Outeiro de Rei na Primeira Galicia. Os de Javi López caeron nun partido igualado e no que se adiantaron antes do cuarto de hora. Pandiani tivo o empate nos últimos minutos pero esta non é a temporada dos do Saviñao. Tampouco o está a pasar ben a Residencia, que agora mesmo descendería. Os de Álvaro Meilán volveron ver como o rival empataba no último minuto por segunda xornada consecutiva. Os branquiazuis perdonaron ata seis claras ocasións e nesta categoría os erros páganse moi caros. Pendiente dos arrastres tamén está o Viveiro, que fixo un encomiable partido ante un As Pontes enxeirado. Un vello coñecido, Rubén Pardo, adiantou aos visitantes. Poceiro igualou ao instante e deixou un puntiño moi valioso en Cantarrana.
O Ribadeo non foi quen de aproveitar o favor dos seus veciños. Cedeu nun encontro tolo ante o San Tirso. Os de Fiz Rodríguez desapareceron tralo descanso, quedaron en inferioridade e sucumbiron ante a tremenda pegada coruñesa. O terceiro posto semella xa unha utopía. Unha posición da que xa desistiu o Castro hai unhas xornadas. Os de Javi López deixaron escapar un 0-2 a favor ante un Betanzos que empatou en dous penaltis. A mellor nova foi o debut do cadete Asier. Ademais, o Polvorín fíxolle un set en branco ao Boimoto. Superioridade certificada cos dobretes de Cuadretti e Morais. Os de José Durán poden firmar o ascenso este próximo domingo. Por último, o Outeiro de Rei perdeu pola mínima ante o Estudiantil despois dun mes espectacular. Os de Juan Peón marcaron o 0-1 despois do descanso pero viron como os puntos voaban no tramo final de encontro.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.