Os sobranceiros da Terceira na 9ª xornada

O Muimenta afianza o seu liderado no grupo norte da Terceira antes de visitar ao segundo clasificado que non foi quen de vencer no combativo Catro Ventos. A goleada da xornada e, ao mellor, da temporada protagonizouna o Alfoz con 9 goles. No grupo sur, o Quiroga reduce as diferenzas co líder e o Sober engánchase á loita polo ascenso.

No grupo norte, nun dos duelos da xornada, o Muimenta venceu pola mínima a un Celta Barreiros que podía poñerse a dous puntos do seu rival; en cambio agora ocupa a sexta posición, a última que dá acceso a promoción de ascenso. O cadro do Pichón consolida o seu liderado sumando seis vitorias consecutivas. Os visitantes adiantáronse no marcador, pero os locais empataron rápido para finalmente consumar a remontada por medio dun penalti. Adrián e Diego na liña defensiva e Edu na parte ofensiva destacaron no Muimenta, mentres que Álvaro, Rafa (que marcou un bo gol) e Álex Ferro fixérono no Celta Barreiros. O conxunto adestrado por Basi xa prepara a visita ao Fonsagrada na penúltima cita da primeira volta. Catro puntos de diferenza entre os dous porque o Fonsagrada non puido sacar máis ca un empate da súa visita a Cazás. O conxunto fonsagradino adiantouse cun gol de Brais de Felipe, un dos máis destacados, nunha das poucas opcións que houbo no partido e o Cazás empatou cun gol olímpico de Yago.

Na terceira posición, colocouse un Alfoz que venceu con moita claridade ao Rioaveso (9-1) nun choque no que o equipo local tivo sete goleadores e Pablo Souto e Martín Reigosa marcaron dobrete. De todos eles, sobresaíu o de Miguel que disparou dende lonxe e o balón entrou pola escadra. Cos memos puntos ca o conxunto alfocense, continúan o Catro Roldas e a Milagrosa. O equipo de Román foi quen de remontar o gol inicial do Lugo Unión para facerse cos tres puntos a domicilio. Pola súa banda, o equipo da Mila derrotou ao Celeiro nun partido no que o árbitro foi moi criticado polo cadro visitante. O partido correspondente a esta xornada entre o Friol B e o Matela xogarase o 6 de decembro (día festivo) por decisión dos dous equipos.

No grupo sur, o Quiroga atópase a 3 puntos dun Paradela que descansou esta xornada e que tamén o fará na vindeira. O equipo venceu no San Martiño ao filial do Taboada noutro bo encontro de Jose Gemelo (dobrete incluído) e Dani Gemelo (autor do outro gol para os seus).  O filial taboadense inquietou cando marcou o gol do 2-1 pero o cadro quirogués aproveitou o contragolpe para sentenciar. Do resto de equipos en fase de ascenso só gañou o Sober que se mete na pelexa cun triunfo a domicilio ante un rival directo como o Castroverde e afrontará con máis confianza o derbi soberino desta fin de semana.

O Río Sil chegará a cita logo de igualar ante o Antas. Nos pupilos dirixidos por Juan Diéguez destacou Castro que non faltou a súa cita co gol e tamén salientamos a estrea nesta tempada de Sergio Campos, despois de lesionarse na pretemporada. Polo cadro da Ulloa, Koeman na defensa e Álex Vázquez no lateral lideraron ao equipo nun campo difícil pola choiva. Aínda que está máis lonxe, non renuncia a nada o Relámpago Taboada que fixo os 7 puntos que ten nos últimos 12 que tivo en xogo. Desta volta venceu ao Rubián no anexo de Cerdeiriños nun bo encontro de Luismi e Borja e o gardamallas Casti que detivo un penalti.

 

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.