Os sobranceiros da 13ª xornada na Terceira

Os catro primeiros do grupo norte non fallan. E o Muimenta continúa afianzando o liderado. No sur, o Paradela e o Quiroga ampliaron a súa vantaxe nos postos de ascenso directo nunha xornada na que o Castroverde e o Rubián descansaron.

No norte, o líder Muimenta volveu ao camiño da vitoria despois do empate da fin de semana anterior. O equipo celeste venceu en Román pola mínima ante o Catro Roldas. O gol de Miguel Morán resultou decisivo. Aínda así, no Catro Roldas sacaron algo en positivo. O dianteiro Cleno confirmou a súa recuperación tendo minutos por segundo encontro consecutivo. En postos de ascenso directo continúa o Alfoz quen tamén gañou pola mínima ao Matela cun gol nos derradeiros instantes de partido. Legaspi, Jonathan e Dani Río sobresaíron no cadro alfocense. O porteiro Álex e Pedro destacaron no Matela que se queixou pola actuación arbitral.

Agardando o fallo dos de arriba está a Milagrosa que venceu a domicilio ao Lugo Unión. O cuarto é o Fonsagrada que marca distancias co sétimo posto no que está o Celta Barreiros ao gañarlle por 2-1. Hugo marcou para o cadro de San Cosme por segunda semana seguida. Tamén destacaron Roberto e Máquina. Kike guiou ao cadro fonsagradino. Fóra dos postos de promoción, o Rioaveso conseguiu a vitoria a domicilio ante o Celeiro con gol incluído de Paulo Sousa de xeito olímpico. Payu foi o destacado do cadro viveirense que se meteu tarde no econtro. Ademais o Cazás logrou a súa primeira vitoria fóra da casa ao vencer ao Friol B. Juan sobresaíu no Cazás, mentres que Carlos fíxoo no Friol.

No grupo sur, o Paradela mantense no máis alto da táboa clasificatoria ao vencer ao Sober. O equipo visitante conseguiu empatar o gol inicial de Romi, pero a aprtir de aí o Paradela foi superior cun golazo de Esteban que completou con outro gol e un pase. En postos de ascenso directo continúa o Quiroga que volveu ao camiño da vitoria ante o filial do Lemos. Marquiños completou un gran partido como central e o xuvenil Jato marcou un dobrete. O Lemos B deu a cara.

A catro puntos do ascenso directo queda o Antas logo de empatar sen goles ante o Taboada B. O cadro adestrado por Melendo viuse lastrada polas lesións de Miguel, Xurxo e Cristian ao longo do partido. Koeman e Pereiras lideraron ao equipo dende a defensa. Dieguito, Hugo e David Potente fixérono no lado do filial taboadense. Pola súa banda, o Río Sil afianzou o seu posto de promoción ao vencer pola mínima ao Relámpago Taboada. Canteiro volveu ao equipo despois da súa paternidade e marcou o gol do triunfo. O Relámpago afrontou o encontro con só nove xogadores.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.