Os onces da décimo novena xornada na Segunda

 

A loita polo ascenso semella estar cara, por iso que no grupo norte produciuse de novo un cambio de líder. O Guitiriz volve ó primeiro posto logo de gañar no Suso Cruz e aproveitarse do duelos directo que se disputaba na fin de semana. Meira e Cospeito quedaron sen xogar o seu partido na tarde do sábado. No grupo sur, o Friol distánciase con respecto ao segundo, un novo inquilino ocupa ese posto, o Oural. Os dianteiros estiveron moi atinados de cara a portería.

No grupo norte, o Guitiriz aproveitou a derrota do Cabreiros para recuperar o liderado da categoría ao gañar, despois de tres partidos sen facelo, á Candelaria. Empatado a puntos no segundo posto está o Burela que sumou a súa quinta vitoria consecutiva ao derrotar ao Matela. A un punto queda agora o Cabreiros, que perdeu na casa nun dos duelos diante da xornada ante o Pol. Segunda vitoria para o cadro polense no segundo partido de Roberto Rielo como adestrador. No medio dos dous equipos está o Lourenzá que a pesar de perder contra o Folgueiro mantense por diante na clasificación. O equipo adestrado por Diego Rego puxo fin á xeira de catorce encontros sen coñecela derrota, pero caeu dando a cara.

 

O Roupar medra na táboa coa súa segunda vitoria consecutiva logo de vencer ao Alfoz nun encontro igualado no que dous penaltis a prol do equipo dirixido por Diego Dopico desequilibraron a balanza. Tamén gañou o Iberia nun Municipal enlamado por un resultado axustado diante do Abadín que lle permite sacar certa distancia cos potos de abaixo.

No grupo sur, o Friol venceu con moita claridade ao Antas nunha cita na que destacaron os dous dianteiros do cadro de Rafa Casanova: Alberto marcou catro goles e Dani fixo tres. Cinco puntos sepárano agora do Oural que ocupa postos de ascenso directo logo de derrotar ao Sporting Lucense con tres goles de Fito e aproveitar outros resultados favorables aos seus intereses. Como o empate do Chantada B diante do Santa Comba. Un dos duelos da xornada que se resolveu con tres goles de Xende para os locais e o balón parado que foi por onde chegaron os tres goles do conxunto visitante. O equipo adestrado por Rubén Bergantiños mesmo fallou un penalti. Non baixa a garda o Chantada Atlético que venceu con claridade diante do Palas. O San Lázaro tamén se aproxima a postos altos ao ser superior ao Rubián, en parte, grazas a tres goles de Jose Lopez e a dous de Martín Barreira, un dos mellores do encontro.

 

O Monterroso B non tivo o seu día diante dun Portomarín que segue contando con Óscar López nun bo momento, o dianteiro volveu facer un hat-trick. O Brollón volveu ao camiño da vitoria ante o SD Becerreá ao que tamén superou na táboa clasificatoria, en parte grazas a parada de penalti de Juanjo. Na parte baixa tamén destaca a vitoria da Milagrosa; oito xornadas despois conseguiu un importante triunfo diante dun rival directo, o Castroverde. Joshua debutou na portería do equipo vermello e branco.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 560

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.