O Nuevo Nausti gaña por primeira vez en partido oficial

Vinte e catro partidos despois e unha pandemia polo medio o conxunto naustiano conseguiu os seus primeiros tres puntos

A sétima xornada da Terceira Rexional pasará a historia na zona norte para o Nuevo Nausti. O equipo vilalbés conseguiu a súa primeira vitoria en partido oficial e abandona a última posición do grupo. Ademais houbo duelos chave na parte alta e na zona sur. Os protagonistas da finde forman parte do #TresEnRaia.

Luca´s Grill
Moreno´s Pizza

Na zona norte, os catro primeiros clasificados xogaron entre si resultando o Catro Roldas o gran beneficiado. Iso si, a Comercial mantense na cabeza con catorce puntos logo do seu empate a un gol ante o Rioaveso no Rodríguez Lago. O adestrador visitante Miguel volvía á que foi a súa casa. No cadro vilalbés puido debutar por fin o central Óscar Cabado, diferencial na categoría e chega logo do seu paso polo Guitiriz antes da pandemia.

Na Canteira o Catro Roldas superou ao Castro B no resultado e tamén na clasificación. Colócase segundo a un punto do líder. Mentres que o filial vermello queda terceiro cun punto de diferenza.

Pola súa parte, o Cazás non renuncia aos primeiros postos logo da súa vitoria na Reigosa ante o filial do Friol. É 5º clasificado con nove puntos. O cadro friolés aguantou ben no primeiro tempo cun bo papel do central Carlos. No segundo tempo, o equipo xermadino conseguiu abrir o marcador cun gran gol do lateral Cao.

O Nausti derrotou ao Celeiro no campo de Trasvías de Galdo. Vitoria pola mínima con gol de Yeray que pasa a historia do equipo naustiano. Refundado no verán de 2019, a temporada 19/20 o equipo sufriu numerosas goleadas. Logo do parón pola pandemia, o conxunto reforzouse e os resultados deste ano comezaron a ser máis equiparados.

Primeiro con Óscar Jaime no banco e agora con Marcos Moscoso. Vinte e catro partidos de competición fixeron falta para celebrar un triunfo. O club de Noche supera agora na clasificación ao Celeiro, que non foi quen aínda de puntuar neste curso. O cadro local encaixou moi cedo e non conseguiu marcar marcar goles, a pesar das ocasións das que dispuxo. «Confío moito neste grupo e cando recuperemos xente, imos mellorar seguro», salienta o adestrador do Celeiro Martín Rodríguez.

Na zona sur, o Rubián é lider en solitario ao derrotar ao Sober e sumar a quinta vitoria consecutiva. No duelo de filiais que pelexan por manterse na zona alta gañou a partida o Lemos B no Anexo de Cerdeiriños ao Monterroso B. O cadro lemista igualou o encontro por dúas veces e conseguiu posteriormente o gol da vitoria. Dani Bernardez foi protagonista cun dobrete. O cadro preparado por Perry é segundo na clasificación.

O terceiro na táboa clasificatoria é o Castroverde ao caer ante o Carballedo que se volve aproximar a zona noble. No duelo de equipos taboadenses gañou o filial do Taboada ante o Relámpago. Os pupilos de Dani Ríos conseguiron o primeiro triunfo do ano.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.